Dated Aizawl, the 6th February 2012.

Press Information Bureau (PIB) bultuma Central Media Units te leh State Sorkar tangrualin an buatsaih thin Bharat Nirman/Flagship Programmes Public Information Campaign (PIC) chu Mizorama a tum 19-na atan Lawngtlai District-a khaw pathum (3) – Sangau, Siachangkawn leh Bualpui ‘NG’-ah te neih a ni dawn ta.

Naktuk dt. 7th February 2012 (Tuesday) hian Sangau-a PIC nei tan turin tukin khan he Campaign buatsaihtu Central Media Units leh State Sorkar Nodal Agency aiawhte chuan Sangau lam an pan ta.

Community Hall, Sangau-a PIC neih turah hian Pu F. Vanlalawma, President, Village Council Association, Sangau RD Block chuan Khuallian niin he Campaign hi a hawng ang a. Pu Ralzidinga Ralte MCS, BDO, Sangau RD Block chuan khualzahawm niin he hun hi a hmanpui ang. Pu Elvis Lalthangzuala, Editor ‘Rauthla’ Mizo daily, Lawngtlai chuan Technical Session –I kaihruaiin Technical Session – II chu Pu Israel Lalnghilhlova, Stringer, DD News, Siachangkawn-in a kaihruai thung ang.

Tum danga hun hman thin angin Technical Session –ah hian Bharat Nirman/ Flagship Programmes hrang hrang - PMGSY, NRHM, IAY, SSA, RGGVY , Mid-Day Meal, ICDS, RTI, MGNREGS, etc., te kalphung leh Mizorama tih hlawhtlin a nih dante Mizorama a changtu Department aiawhte atangin inhrilhfiahna/inzirtirna neih a ni ang a, Mipui tan Campaign hi a tangkai lehzual nan heng thupui atangte hian Zawhna leh Chhanna hun hman a ni bawk ang.

He PIC denchhen hian Mizoram Sorkarin Health Camp/Free Clinic a buatsaih dawn bakah Field Publicity, PIB, Photo Exhibition, etc. te neih a ni dawn bawk a ni.


MT/CLS/LTS                                     1200hrs.                                               06.02.2012

 

PIB, Aizawl