Dated Aizawl, the 30th November 2011.

Press Information Bureau leh I&B Ministry hnuaia Media Units hrang hrang-DDK, AIR, DAVP, DFP, Songs & Drama Division leh Mizoram Sawrkar leh Mizoram Journalists Association ten tangtlanga an buatsaih thin Public Information Campaign (PIC) on Bharat Nirman/Flagship Programmes, Mizoram-a tum 18-na, Mamit leh Aizawl District-a December ni 1 – 3, 2011 chhunga neih tur chu December ni 1, 2011 (Ningani) hian Kanghmun-ah neih tan a ni dawn ta.

Govt. Middle School, Kanghmuna-a PIC neih turah hian Pu Lal Dingliana, IFS (Rtd), Chief Information Commissioner (CIC) zahawm tak chuan Khuallian niin he Campaign hi a hawng ang a. Kanghmun Village Council President, Pu Vanlalfala chuan khualzahawm niin he hun hi a hmanpui ang. Pu H. Lalramliana, Editor ‘Mamit Times’ Mizo Daily, Mamit chuan Technical Session –I kaihruaiin Technical Session – II chu Pu R. Lalmuanpuia, Editor ‘Zotlang Lentu’ Mizo Daily, Mamit-in a kaihruai thung ang.

Tum danga hun hman thin angin Technical Session –ah hian Bharat Nirman/ Flagship Programmes hrang hrang - PM’s New 15-Point Programmes for the welfare of Minorities, PMGSY, NRHM, IAY, SSA, RGGVY , Mid-Day Meal, ICDS, RTI, MGNREGS, etc., nihphung leh Mizorama tih hlawhtlin a nih dante Mizorama a changtu Department aiawhte atangin inhrilhfiahna/ inzirtirna neih a ni ang a, Mipui tan Campaign hi a tangkai lehzual nan heng thupui atangte hian Zawhna leh Chhanna hun hman a ni bawk ang.

He PIC denchhen hian Mizoram Sorkarin Health Camp/Free Clinic a buatsaih dawn bakah Field Publicity, PIB, Photo Exhibition, etc. te neih a ni dawn bawk a ni.


MT/CSL/LTS                                    1430hrs.                                   30.11.2011




 

PIB, Aizawl