|
Kum 2004-05 chhunga National Sample Survey
Organisation (NSSO)-in survey a neihah chuan India
rama thawktu zaa 95-te hi sorkar hnuai ni lo (unorganised
sector) a thawk an ni a, chungte chu loneitu te, in
satu te, mahnia eizawng te, a nghet lova chawr te an
ni. A bak zawng zaa 6 chauh organised sector hnuaiah
an thawk.
Unorganised sector-a thawkte duh dan tihpuitlinna
atan leh an security atan sorkar laipui chuan
unorganised sector-a thawkten a zavai emaw, a then
azar emaw tal an hman theih tur labour law chi hrang
hrang a siam a. Heng dan a siamte zinga langsar
deuhte chu Workmen Compensation Act, 1923; the
Minimum Wages, Act, 1948; the Building & Other
Construction Workers (RECS) Act, 1996; the Building
& Other Construction Workers Welfare Cess Act, 1996,
the Contract Labour (Regulation & Abolition) Act,
1970; etc. te an ni. Unorganised sector-a thawkten
social security an neih theihna turin Sorkar laipui
chuan Welfare Funds for Beedi, Cine and certain
Non-Coal Mine workers ruahmanin an tan hian hriselna
lama enkawlna, chenna in tur sak leh an fate tana
zirna ngaihtuahsakna tur a din bawk a. Sorkar vek
hian retheihna tihbona scheme/programme chi hrang
hrang a duan bakah hna bik thawk thiam lo chhungkaw
tinte tana financial year apianga ni 100 chhung
inhlawhna tur quarantees wage employment an tih
National Rural Employment Guarantee Act hnuaiah a
ruahman bawk. Rajya Sabha chuan ni 10.09.2007 khan
Unorganised Sector Workers’ Social Security Bill,
2007 chu pharhin a pawm bawk a ni. Heng a chunga
tarlante bakah hian sorkar laipui chuan thingtlang
khuaa in leh lo, ram nei lo chhungkuaa rualbanlohna
leh thihna thleng thut avanga inenkawlna turin ‘Aam
Aadmi Bima Yojana’ a ruahman thar bawk a. He scheme
hnuaiah hian awmlaia thi chhungte tanpuina tur Rs.
30,000 leh chetsualna avanga pianphunga rualbanlo
emaw thihna khawp hial tawk chhungte chhawmdawlna
turin Rs.75,000 pek turin a ruahman bawk.
Vanduaina tawka chesuala rualbanlote tan insurance
cover Rs.37,500 a dah bawk a. Heng tanpuina pawisa
dawngtu fate hian scholarship an dawng thei bawk ang.
October, 2007 khan Unorganised sector-a thawk BPL
chhungkuate chhawmdawlna tur ‘Rashtriya Swasthya
Bima Yojana’ tan a ni bawk a, unorganised sector-a
thawk chhungkaw member 5 awm chin tana tih a ni. He
scheme hian smart card siamin kum khat chhunga
chhungkaw pakhat tan pawisa pek ngai lovin Rs.30,000
zel health insurance a siam sak a ni. ‘The Indira
Gandhi National Old Age Pension Scheme (IGNOAPS)’
hnuaiah kum 65 tling chin BPL mite tan old age
pension siam a ni bawk a. Sorkar laipui chuan tih
tur tam tak a la nei tih a hria a, unorganised
sector-a thawk zawng zawngte hamthatna turin Sorkar
laipui chuan hma lak a la tum zel bawk a ni.
PIB, Aizawl |
