Water (Accelerated Rural Water Supply Programme) (ARWSP)

Q 1. Tui sem dan turah Department lamin eng ruahmanna lian nge a neih?
Chhanna: Accelarated Rural Water Supply Programme (ARWSP)

Q 2. ARWSP chuan eng te nge a huam?
Chhanna: ARWSP in a huamte chu :

1. ARWSP (Natural Calamity)

2. ARWSP (DDP Areas)

3. ARWSP(Support activities/programme)

4. Sub-Mission on Water Quality leh

5. ARWSP (Normal)

Q 3. ARWSP in a huamte tana hman tur sum eng zat nge ruahman a nih?
Chhanna:

1. ARWSP (Natural Calamity) - 5%

2. ARWSP (DDP Areas) - 5%

3. ARWSP(supportactivities/programme) - 2%

4. Sub-Mission on Water Quality- 20% thleng,

5. ARWSP(Normal) sum la bang zawng zawng.

Q 4. Plan 11-na chhung hian Water Supply atana sum ruahman eng zat nge?
Chhanna: Plan 11-na chhunga thingtlang mite tui pekna atan cheng vaibelchhe 39,490 dah a ni.

Q 5. 2008-09 chhunga ARWSP atana sum hman theih tur eng zat nge?
Chhanna: 2008-09 chhungaq ARWSP hnuaia sum hman theih zat chu cheng vaibelchhe 7300 a ni.

Q 6. 2007-08 chhungin State te tan sum eng zat nge pek chhuah a nih?
Chhanna: 2007-08 chhungin ARWSP hnuaiah State te tan cheng vaibelchhe 6425.83 pek a ni.

Q 7. Thingtlang mite tana tui in tur semchhuahna turin GDP percent eng zat nge hman a nih?
Chhanna: Plan 9-na hnu lam atang khan in tur semchhuah na turin GDP 0.2% vel hman a ni.

Q 8. ARWSP in eng chin nge a huam?
Chhanna:

1. Mipui tana tui in tur 40 lpcd pek

2. DDP area huam chhunga ran vulhtute tan 30 lpcd pek belh

3. Mi 250 tan tui pump-na pakhat leh km 1.6 chhunga tui lak tur awm laksak leh tlang rama mite tan metre 100 a sanga chengte tan tui pek

Q 9. NC & PC - chenna hmun sawifiah dan tur eng nge?
Chhanna: Mimal emaw vantlang emaw chenna hmuna tui in tlak lakna tur km 1.6 chhunga a awmin leh, tlang ramah metre 100 huama a awma, tui pek tam theih zat 10 lpcd - 40 lpcd a nih chuan PC (partially covered) tih a ni a. 10 lpcd aia tlem a nih chuan NC (not covered) tia vuah a ni.

Q 10. ARWSP hnuaiah SC/ST te pual eng nge awm?
Chhanna: ARWSP sumte chu State/UT te chuan 25% tal SC tana tui intur pek nan an hmang tur ni a, 10% tal ST te tan an hmang tur a ni. SC/ST tamna State-ah chuan a tul dan angin pawisa pek tur tihpun theih a ni a, State chuan SC leh ST te tan 35% tal an hmang tur a ni.

Q 11. Bharat Nirman hnuaiah tui intur sem nan eng tin nge hma an lak?
Chhanna: 2005-09 chhung in thingtlang mite tui intur pek hi Bharat Nirman thil tih tur 6 zinga pakhat a ni a. Bharat Nirman hun chhungah hian tuipek loh khua 55,067 leh hmun harsa lehzuala cheng mi nuai 3.41 tui pek tura ruahman a ni a, mi 2.17 chenna hmunah pawh tui thianghlim zawk pek a ni bawk ang.

Q 12. Tui thianghlim in tur pek hi Department lamin ngaih pawimawh hmasak zingah a telh em?
Chhanna: Tehreng mai. Tui thianghlim in tur sem dan leh a lakna hmun te, a lak dan turte hi Department-in a ngai pawimawh em em a, ruahmanna te tihpuitlin a nih theih nan hma a la mek a ni. Tih changtluna enkawl zui zel a nih theihna tura Department hnathawhte chu:

1. Thingtlang lama tui in tur sem dan tha tak neih theihna turin Department chuan tualchhung mite tanpuina ngenin a tulzia a hrilhfiah thin.

2. Tui mamawh zat hmuh zel theihna turin hmanraw tha leh mantlawm si te hman a ni.

3. Tuihna tha zawka humhalh leh tih changtlun a nih theih nan thingtlang lama tui sem dan tur ruahmannaah telh leh ngaih pawimawh a ni.

4. Tuihna a kang lohna tur leh tui lak hun hriat nan mithiamte thu ziak sem thin a ni.

Mamawh ang zat tui kan neih reng theihna tur chuan tuihna pakhat chauh ring lovin hmun hrang hrang a mi lak thin tur a ni a. Lei hnuai tui te, lei pawnlanga tui te leh ruahtui dawn khawl te hman bawk tur a ni. Khawtlangah pawh tui renchem inzirtir zel a ni a, kan tui mamawh ang zat chhutin hun lo kal leh zel tur atan ruahmanna te kan siam tur a ni. Hetianga ruahmanna kan lo siam lawk chuan kan mamawh ang 24x7x365 chu tui thianghlim in tur kan nei reng thei dawn a ni.

Q 13. Tui thianghlim in tur kan lakna tuihna te hi a rintlak reng theihna turin Department in eng nge ruahmanna a siam?
Chhanna: Tui kan mamawh zat kan neih reng theihna tura State Sorkarin ruahmanna an siamin tui lakna ngaihtuah tel thin tura hriattir an ni a. Kum khata thla 4-5 tla tur tal tui khawl a nih theih nan Ministry of Tribal Affairs leh Ministry of Health te hnenah sorkar in zawng zawngah tuidawn hmanga tui khawl tura ngen an ni a. Tui mamawh ang zat khawl a nih theih nan Sorkar laipui chuan a tul anga sum sen a remtiin State sorkarin a ngaih pawimawh theih nan hma a la a, ARWSP pawisa hemi lam atana hman thin pawh 5% atangin 20% ah tihpun tum a ni bawk.

Q 14. National Rural Drinking Quality Monitoring & Surveillance Programme (NRDWQM & SP) hi eng nge ni?
Chhanna: Mipui behchhana siam National Rural Drinking Quality Monitoring & Surveillance Programme hi kum 2006 February thla khan hman tan a ni a. Hei hian Panchayat tinah tuihna te a him leh him loh hmanraw mawl leh hman awlsam tak hmanga teh chhuah vek a tum a ni. Hemi atan hian Gram Panchayat tinah tui tehna hmanrua pek tur a ni a. Tui thianghlim anga ngaih te chu a thianghlim leh thianghlim loh District/State level laboratories-ah enchhin vek tur a ni.

Q 15. Research leh Development lamah Department-in eng nge a tih?
Chhanna: Thingtlang mite tui thianghlim in tur peknaah hian zirchianna leh hmasawnna te leh hriselna lam hi Drinking Water Supply Department hna peng pakhat a ni a, hetah hian Sorkar laipui chuan R & D Organizatione te tan sum sen ngai 100% a tum a ni. Secretary (DWS) chairman-na hnuaiah Research Advisory Committee (RAC) dinin research leh development lama hmalak te, tihdan thar tha zawk duan chhuah te, R & D hnathawh tihchangtluna ngaih pawimawh te a tum a ni. Vawiin thleng hian Deptt. of Drinking Water Supplyu hian R & D Project 141 lai a puiin thingtlang lama tui semnaah leh khawtlang hrisel zawk nan sum mamawh zawng zawng a tum thin. Heng project-ah hian 126 te chu zawh fel a ni tawhin project 15 chu thawh mek a ni.

Q 16. Tuisem chungchangah khawtlang/Panchayati Raj Institution (PRI) hian eng hna nge an thawh ve?
Chhanna: Tui sem chungchang leh a enkawl zui dan turah a hmangtu turte leh Panchayats tenphur taka hna an thawh a tul hle a, hemi avang hian State sorkar leh Sorkar laipuiin MOU an ziak thin a ni. State sorkarin a tihtur chu khawtlang leh PRIs ten mumal taka tui sem an enkawl zui theihna tura an kalpui tum dan an siam a ngai a. Bharat Nirman in a tum a hlawhtlinna turin State sorkar chu MOU hian a phuar a, a tul angin sum a tum ve bawk thin a ni. Tui renchem a nih theih nan a tul angin hma a la anga, heng bakah hian khawtlang/PRI ten chak taka hna an kalpui theih nan a pui a, O & M atan tui hman man an bithliah theih nan PRI te thuneihna a pe bawk a. PRI te leh tui hmangtute mamawh ang bungrua leh sum lamah an pui bawk thin.

Q 17. ARWSP hnuaiah hian tui sem dan tur leh a enkawl zuina turah chhawmdawlna pek a ni em?
Chhanna: O & M atan ARWSP Fund atangin 15% hman theih a ni a. Panchayat ten an hman ve theih nan Twelfth Finance Commission Grants a awm bawk.

Q 18. Thingtlang school-a tui thianghlim in tur pek dan dinhmun eng nge ni?
Chhanna: Ni 1.4.2007 thleng khan tui thianghlim in tur dawng lo thingtlang school 84,000 vel a awm a. Kum 2006-07 khan State sorkar-te ngenna angin thingtlang school-a tui in tur pek a nih ve theihna turin cheng vaibelchhe 228 a dah a ni. Thingtlang school thara tui in tur pek chu SSA sum hmanga tih tur a nih laiin school awmsa te chu ARWSP atanga pek tura dah a ni thung. Kumin chhung ngei hian State tinin school zawng zawngah tui intur pe vek tura phut an ni a, kum 2007-08 chhung khan thingtlang school 47,000 te chu tui thianghlin in tur pek tawh an ni tih February 2008 report-ah a lang a ni.

Q 19. Tui thianghlim in tur pek chungchang hi tu mawhphurhna nge ni?
Chhanna: He hna thawk tur hi State sorkarin a thlang thin a, Public Health Engineering Department te, Rural Development Department emaw Panchayati Raj Department te pawh thlan theih a ni. State thenkhatah chuan Govt. Board/Nigams/Agencies ten he hna hi an thawk bawk thin. Gujarat-ah chuan Gujarat Water Supply & Sewerage Board in he hna hi an thawk a, Uttar Pradesh ah chuan Uttar Pradesh Jal Nigam in, Tamil Nadu-ah chuan Tamil Nadu Water and Drainage Board in an thawk a, Uttaranchal-ah chuan Uttaranchal Peyjal Sansadhan Vikas Evam Nirman Nigam in, Maharashtra-ah chuan Maharashtra Jeevan Pradhikaran in thawkin Kerala-ah chuan Kerala Water Authority in Kerala-in a thawk a ni.

Q 20. Department-in hnathawh tawh enzui dan tur eng tin nge a ruahman?
Chhanna: Hnathawh tawh enzui tur hian Online Monitoring System e.g Integrated Management Information System (IMIS) siam a ni a, he online-ah hian State sorkar te chuan an hmasawnna chu thla tin an tarlang tur a ni. Hetiang tarlang tur hian State Officer te chu training pek an ni bawk. Heng bakah hian hmasawnna te thlirhona neiin inkawmkhawmna te pawh siam thin a ni.
 

Back

PIB, Aizawl