SARVA SHIKSHA ABHIYAN

Q.1. Sarva Shiksha Abhiyan hi eng nge ni?
Chhanna: Sarva Shiksha Abhiyan (SSA) hi kum 2001-2002 a hman tan, rampuam huap programme pawimawh tak a ni a, inthliarna awm lova ram chhunga mi zawng zawngte zirna tur, State sorkar leh tualchhung thuneituten hun bituk chhunga an tihhlawhtlin ngei ngei tura ruahman a ni. Naupang kum 6 – 14 inkar te tan mi hmantlak an nih theihna tura anmahnia hriatna belhchhahsak chu a tih tur pawimawh tak a ni a, chu chu vantlangin zirna tha zawk duhna thinlung an neih atanga awmtir tura duan a ni.

Q.2. SSA thiltumte chu eng nge ni a, eng angina nge hma a sawn?
Chhanna: SSA programme thiltumte chu:

• Kum 2005-ah chuan naupang kum 6 – 14 inkarte chu school an kal vek tur a ni.
• Kum 2007 ral hma ngeia Primary stage-a mipa leh hmeichhe dinhmun inthlauhna leh vantlang nuna dinhmun inhlauhna tihbo te, kum 2010 ral hmaa chutiang dinhmun chu Elementary stage-a hlen chhuah te.
• Kum 2010 atang chuan heng programme te hi nghet taka kalpui a ni ang.
• Elementary zirnaah an damchhung nun kaihruai thei tur zirna tha pek.
  
  Skul luhna
• SSA chuan mihring chenna atanga Km 1 huam chhungah School awm ngei se a duh a. Mihring tlemna darhsarhna hmunah chuan Education Guarantee Scheme (EGS) hawnsak an ni thin.
• Kum 2004-05 khan ram chhungah Primary school nuai 7.67 awmin naupang vaibelchhe 13.08 in an zir a ni.
• All India Education Survey 7-naa naupang zaa 85.6 school lut \hin kha kum 2002 khan SSA hmalaknain za zela 98-ah a pung chho a, mihring chenna atanga km 1 chhunga School awm tak vang a ni.
• Naupang school kalna remchang ruahmanna thar avang hian school nuai 1.50 hawn thar a ni.
• Kum 2007-08 chhung hian EGS Centre 5700 hawn thar a ni.
  
  School building lam:
• School nuai 2.16 sak tharna tur sum pek a ni.
• Elementary School bik tan Classroom nuai 8.12 siam belh a ni.
• Kum 2002-2003 a Classroom pakhata naupang 43 awm tura tih chu 2005-2006 ah chuan naupang 41 awm tura ruahman a ni.
  
  Zirtirtu:
• Primary & Middle School -ah zirlai 40 tan zirtirtu 1 zel awm tur a ni a. Primary School ah chuan a tlem berah zirtirtu 2 awm tur a ni a, Middle School-ah chuan class tinin zirtirtu pakhat zel neih tur a ni.
• SSA hnuaiah elementary zirna atan zirtirtu nuai 11.34 lak tur a ni a, December 2007 thleng khan heng mite zinga nuai 8.81 chu lak fel an ni tawh.
• Kum 2002-2003 a zirlai leh zirtirtu inkawp dan tur 46 : 1 chu 2006-07 ah chuan 36 : 1ah tihhniam a ni.
• 2002-03 a School 1 zela zirtirtu 2.47 awm anga chhut chu 2005-06 ah chuan 2.63 ah tihpun a ni.
• Zirtirtu zinga za zela 41.86 chu hmeichhia an ni.

Q.3. Sarva Shiksha Abhiyan chu tu’n nge enkawl?

Chhanna:

State Mission Authority

General Council chu Chief Minister-in hruaiin Executive Committee chu Chief SecretaryDevelopment Commissioner/Education Secretary in a hovang. Finance leh Planning Department ai-awhte pawmpui ngeiin General Council leh Executive Committee chuan thutlukna a siam anga. School building leh tul dang tihhmasawn kawngah Rural Development Department pawhin tha thawh ve ngei sela. NGO, Vantlang tana thawktu, University zirtirtu, Zirtirtu te aiawh, khawtlang hruaitute aiawh leh hmeichhe aiawhte pawhin he Mission hna thawh phung chu fiah fai taka langtlang a nih theih nan tha an thawh anga, Governing Council leh Executive Committee-ah Ministry of Human Resource Development aiawh an tel ngei bawk tur a ni.

Q.4. SSA Programme atan Sorkar laipuiin sum eng zat nge a thawh?
Chhanna : IXth Plan chhunga Centre- State sum intumsem dan chu 85 : 15 a ni a.
Xth Plan chhung chuan 75 : 5 (North East State tan chuan DoNER Ministry-in zaa 15 a tumsak)
Plan XI-na chhunga sum intumsem dan tur chu hetiang hi a ni ang.

• Kum hmasa 2 atan 65 : 35, kum 3-na atan 60 : 40, kum 4-na atan 55 : 45, kum 5-na chinah chuan 50 : 50 a ni ang. Hmarchhak state 8 tan chuan intumsem dan tur chu 90:10 a ni anga, SSA Central Budget atanga zaa 10 chu Hmarchhak state tana dah a ni ang.

• Kum 2003-04 atanga 2006-07 SSA sum hman tur sum \henkhat cheng vaibelchhe 4700 chu World Bank, European Commission leh UK a DFID hnen atanga dawn a ni.

• Kum 2007-08 a SSA tana Central Budget chu cheng vaibelchhe 10671 a ni.

• Plan 11 chhunga SSA sum hman tur ruahman chu cheng vaibelchhe 71000 a ni.

• State leh UT te chuan SSA sum hi State/District-in Annual Action Plan leh Budget an theh luh Sorkar laipuiin uluk taka a check hnu-a Project Approval Board of SSA in a phalsak hnuah an dawng thei a. He meeting-ah hian School Education & Literacy, Sorkar laipuia Ministry kaihhnawih dangte leh State sorkar aiawhte an tel thin a ni.

Q.5. Plan X-na chhung khan SSA hi eng tianga hlawhtling nge a nih?
Chhanna: Plan X-na chhunga Sava Shiksha Abhiyan hlawhtlinna te

                                         Plan X chhunga SSA                           Sikul hawn
                                       hnuaia School saktur zat                (31.03.2007 thleng)
Primary School thar                    133928                                    100970 (75.39%)
Upper Pry “                               100788                                     82984 (82.34%)
Classroom sak belh                    815517                                     557927 (68.41%)
Zirtirtu lak zat                             1009597                                   880727 (77.79%)
KGBV Girls residential school    2180 KGBVs (2004-05)           1830 (84%)

Sub Component                            2002                                               2006
                                              Chenna huapte                            Chenna huapte
Primary School tan                        86.96%                                            98%
Upper Pry School tan                    78.11%                                            85.3%

Q.6. Eng tin nge SSA an vil zuia an enkawl thin?
Chhanna :  

1. District Level Committee-ah chuan mipui ai-awhtu MP te, MLA te, Zilla Parishad member, District Education Officer, District Officers in-charge of Drinking Water Mission/Total Sanitation Programme/ICDS Programme/Panchayati Raj/Labour/Handi cap Welfare/Social Welfare etc leh NGO 2 Elementary Education atan an tel thin.

2. Educational MIS system hmangin kum tina School kal zat leh report kimchang tarlan a a. Kum 2005-06 Data chu Website-ah a awm a. Kum 2006-07 Data chu MIS System-ah dah luh mek a ni.

3. State leh UT te chuan Sorkar laipuiah thla tinin report tlangpui an pe thin a, kimchang zawkin thla thum danah report an theh lut thin.

4. 41 National Social Science Institution te chuan State/UT te nen in thlunzawmin Field visit nei fo tur leh hmalakna enzui pui tura tih a ni. Tun dinhmunah chuan report 72 dawng tawhin State/UT 32 atanga District 254 te report dawn a ni tawh a,web-site www.ssa.nic.in ah dah luh a ni.

5. Sorkar laipui kaihhruainain Joint Review Mission (JRM) in SSA hmasawnna chu kum tin vawi hnih a thlirkir (review) thin.

6. Chartered Accountant leh CAG Audit bakah State 21-ah chuan Sorkar laipui thlan Independent Professional Organisation in sum dinhmun an thlirsak thin.

7. Sorkar laipuiin Independent Assessment titu tur a ruat thin a, SSA hmalakna leh ruahmanna a bawhzui dan thlirin ram puma zirna dinhmun a en thin e.g. kum 2005 a school naupang atanga National Sample Survey a neih a ni. Zir chiangtu pawl dang 9 lai siam a ni bawk a, zirtirtu leh naupangte school kai that dan te, a hunah zirlai ten an course an zo hman em tih te, school kal lo naupang te leh a tul dangte an zir chiang mek a ni.

8. Ministry chuan tunhnai lawk khan NCERT nen tang tlangin zirna that zawkna tur ngaihtuahtu (quality monitoring tools) a siam a, he tools hian hmasawnna hrang hrang - Zirlaite hmasawnna, school kal zat, Zirtirtu training chungchang, zirtirna pui theitu hmanrua zirtirtute pek, Classroom tihchangtlun dan chungchangte thla thum dan leh kum khat danah an theh lut thin.

9. Zirlaite hmasawnna chu kum thum danah ennawnin Mathematics leh Language lama tihpun dan tur bithliah a ni a. NCERT chuan Class III,V & VII/VIII te zir tur chin bithliah chu a peih fel tawh a, a dang pawh bawhzui mek a ni.
   
    

Q.7 SC, ST leh hnam tlem zawkte tan SSA chuan eng nge a tih?
Chhanna: SC/ST & hnam tlem zawkte hi ngaihpawimawh bik an ni a, vantlang nuna daidanna leh in-enhranna awm hi ti bo turin theih tawpa hma lak a ni.

• SC-te chenna District 61, ST te chenna District 106 leh Muslim chenna District 88-ah chi leh dinhmun inthlauhna nuaibo tura hma lak mek a ni.

• SC/ST leh Muslim tlem azawng chenna hmunah te zirlaibu a thlawna sem a ni.

• NPEGEL block-ah te SC/ST/OBC/Minority school naupang hmeichhiate tan a thlawnin School Uniform a sem bawk.

• KGBV-ah te seat awm zaa 75 chu SC/ST/OBC/Minorities hmeichhe naupangte tan hauhsak a ni.

• Madaras/Maqtabs te pual bik tanpuina: Madaras/Maqtabs-te hi SSA hmalaknaah huamtir an ni a, nitin-a school kal ve lo ten hunbi mumal taka zirna an neih theihna tura hma latu an ni, mahni inpe(volunteer) an ni. State Madarasa Board-a inziak lut Madaras chu SSA hnuaiah grants-in-aid school ang bawka tanpui theih an ni a. Kum khat chhungin school 1 tan tanpuina Rs.2000/- pein zirtirtu pakhat zelah kum 1-ah Rs.500/- pek a ni anga, zirlai hmeichhia te chu a thlawna zirlaibu pek an ni a, a tul dan azirin zirtirtu pawh pek belh theih a ni. Madaras 8309 lai hetiang tanpuina hi pek mek a ni bawk. Hmeichhe naupang tam takin makhtabs leh madaras Board-a inziak lut lote hnenah an zir mek hriat a nih avangin SSA chuan EGS centre dinsak turin hma a la a, tualchhung lam remchan dan mila AIE hma an laktir bawk. Hunbi mumal taka zirna an kalpui theih nan zirlaibu a thlawna sem a ni a, zirtirtu pe-in zirna mamawh an pe a, maktabs/madaras 4867 lai EGS/AIE hian a la tawh a ni.

• Muslim hmeichhe naupang hnenahUrdu Textbook an sem.

• Tribal-te an hnam tawnga zirna buatsaih sak an ni.

• District tinah SC/ST/minorities naupangte tana hmalakna pawimawh bika hman tur kum tin cheng nuai 50 pek thin a ni

Q.8 :SSA hian hmeichhe naupangte zirna eng tin nge a tanpui?
Chhanna : Hmeichhe naupangte zirna hi sorkar laipuiin a ngaipawimawh em em a. Nausen hmeichhia piang zawng zawng ten Elementary tal an zir theuh theih nan hma lak zel a ni. ‘Sarva Shiksha Abhiyan’ emaw ‘Mi tin tana zirna’ programme hian hmeichhe naupang chuan lehkha a zir ngei ngei tur a ni tih leh vantlang nuna an dinhmun chawikan hi a tum tlat a. Two-pronged gender strategy hmangin zirna chuan hmeichhe naupangte zir chak zawng lam kawk sela tih leh school-a an zir zawm zel na tura kawng dap te, vantlang nunah zirna hi hmeichhe naupang zawng zawngin an mamawh tih lantir te chu a tum tlat a ni.

Hmeichhe naupangte tana SSA hmalakna chuan hengte hi a huap tel:

• Hmeichhe naupang chu pawl 8 thleng a thlawna zirlaibu pek

• Hmeichhe naupang Inthiarna a hranga siamsak

• School chhuahsan tawh hmeichhe naupangte School luhtir leh

• Hmeichhe naupang kum tam deuh zawk tawhte zirna pek

• Zirtirtu zaa 50 chu hmeichhiate chantir

• ICDS nen tang tlangin school zirna la thleng pha lote enkawla zirna pekna hmun tur School chhungah emaw a kiang hnaiah emaw buatsaih

• Mi tin hnena zirna an pek theihna tura zirtirtute rilru tihphur

• Hmeichhe naupang mamawh bik tur zirna hmanrua leh zirlaibu

• Hmeichhe naupang zirna pawimawhzia vantlanga puanzar

• Hmeichhe naupang ten school an kala nuam titaka an kal zel theihna tur kawng dap nan District tinah ‘innovation fund’ siam a ni

Sorkar laipui (GOI) chuan hmeichhe naupang ten lehkha an zir ngei theihna tura hma latu tur National Programme for Education of Girls at Elementary Level (NPEGEL) leh Kasturba Gandhi Balika Vidyalaya (KGBV) a din a. Ram pum huapa hmeichhe ziak leh chhiar thiam zat hisap ang aia hmeichhia ziak leh chhiar thiam tlemna te leh, ziak leh chhiar thiam mipa leh hmeichhia ram pum huapa a inthlauh dan aia san zawkna block 3000 lai a thlang chhuak tawh a ni.

National Programme for Education of Girls at Elementary Level (NPEGEL)
NPEGEL hi SSA peng pakhat anga ngaih a ni a, hmeichhe naupang dinhmun hnuaihnung leh rahbehho ten elementary level tal an zir theihna tura vantlang zinga hma latu a ni a. School tihhmasawn te, hmeichhe naupang zirtirtu tur bik zirtirtu te, an zirlai puitu tur hmanraw chhawp te, naupang te zawk te zirna leh a tul dan azira school-a hruai leh thlah te leh textbook leh school uniform thleng tumsaktu a ni, EBB 3073 -ah hna an thawk mek a. Department of School Education & Literacy in a thlan chhuah block 91 an tuam tel bawk a ni.

NPEGEL hnuaiah hian Model Cluster School 39997 hawn a ni tawh a, ECCE centre 25,537 hnenah tanpuina pein classroom thar 24,394 sak a ni tawh a. Hmeichhei naupangte zirtirna pe turin zirtirtu nuai 2.70 training pe tawhin hmeichhe naupang nuai 13.07 an zirtir mek a. Hmeichhe naupang nuai 152.07 hnena uniform pe tura hma lain tunah hian NPEGEL in kum 2007-08 chhunga sum a hman tur cheng vaibelchhe 708.44 chu pawmsak a ni tawh bawk.

Kasturba Gandhi Balika Vidyalaya (KGBV)
Kasturba Gandhi Balika Vidyalaya hi hmeichhe ziak leh chhiar thiam tlemna hmun EBB a SC, ST, OBC & Minorities hmeichhe naupang zinga Upper Primary level thleng zirna ngaihtuahtu turin kum 2004 khan din a ni a. Ram puma average 46.13% a nih laiin chu aia hmeichhe lehkhathiam lo tamna 21.59% lai a nih avangin Sorkar laipui chuan KGBV 2180 chu March 2007 hma ngeia din turin a ruahman a. Heng zinga 1830 chu hawn a ni tawhin 15th March, 2008 thleng khan hmeichhe naupang 1,26,784 in heng atang hian an zir mek a ni. Kum 2008-09 chhung hian thingtlang lam block 316 leh khawpui lama block 94 ah hmalak a ni bawk ang.

Q.9 School chhuahsan naupangte tan SSA hian eng nge a tih?
Chhanna : Education Guarantee Scheme & Alternative and Innovative Education Education LGuarantee Scheme leh Alternative & Innovative Education (EGS leh AIE) hi school kal lo naupangte elementary zirna chhunzawmtir leh tura hma latu a ni.

Education Guarantee Scheme (EGS)
EGS hi naupang kum 6-14 inkar, 15-25 vel awmna hmun, an awmna atanga km 1 chhunga zirna school awm lohna hmuna school kal lo naupangte zirtirna petu a ni.EG scheme hnuaiah hian EGS chu hlawhtling taka kum hnih a kal chuan primary school-ah hlankai theih a ni a. Kum 2005-06 a EGS a naupang lehkhazir nuai 40.1 chu kum 2007-08 ah chuan nuai 11.3 an ni a. Kum 2006-07 chhung khuan EGS Centre 37972 chu Primary School-ah hlankai an ni. (Bihar - 15423 leh Rajasthan - 15303) Ni 31.3.2007 khan EGS (Primary) centre 146240 ah zirlai 4022723 in an zir a. Tunah hian EGS 57131 chu tluang taka kalpui mek a ni.

Alternative and Innovative (AIE)
Alternative Education hian tinzawn bik a neih te chu - naupang hnathawka chhawr te, khawlaia vak mai mai thin hote, pem kawi mai mai thin hote, naupang dinhmun harsa zual te an ni a. Kum 9 chung lam a bikin hmeichhe naupangte chu AIE hnuaiah hian tanpui thin an nia. Chutiang naupangte school-a kaltir leh turin hma an la a, school kal tura zir tul te an zirtir leh thin. School kal leh tura buatsaih leh school kal lehna chungchangah chuan naupangte mamawh dan azirin school hostel te pawh buatsaihsak an ni bawk.

Kum 2006-07 khan AIE hnuaiah naupang 2809611 in lehkha an zir.

Q. 10 Pianphunga rualbanlo naupangte tan SSA in eng nge a tih?
Chhanna: SSA chuan a bika enkawl ngaite naupangte pangngai taka School an kal ve theihna a ngai pawimawh em em a. A tul dan angin school hran hawn te, a bika zirtirna pek theihna kawng dang te, Special School te, in lama zirtirna pek dan tur te leh hun tlem azawng zirtirna pek dan tur te theih tawpin a ngaihtuahsak \hin a ni.
Hetiang hian hma a la mek:

• Uluk taka zir chiangin naupangte mamawh an hre hmasa
• Naupang mamawh chi hrang neite a zat an chhut chhuak
• A bika puihna mamawh naupangte hmanrua tur an ngaihtuahsak
• Naupang te mamawh dan ang taka zirtir thei turin zirtirtu training an pe
• Nu leh pate hnenah zirtirna pein mipuite pawh chutiang naupangte en dan tur an kawhhmuh
• School chhunga kal velna harsatna thlen thei te then fai a ni a, a bika enkawl ngai ten school nuam an tih theihna tur an ngaihtuah
• Hmeichhe naupang an enkawl uluk lehzual
• Ministry of Social Justice and Empowerment te, State Department of Welfare te, Institution te leh NGO te nen ngaihdan inthuhmun tlangin an kal a ni

Abika enkawl ngai naupang (children with special needs - CWSN) nuai 26.36 te chanchin zir chiang tawhin an zinga nuai 23.68 chu school pangngai, EGS/AIE- ah tluang taka kaltir an ni tawh a, naupang nuai 8.46 chu an mamawh hmanrua ngaihtuahsak an ni a, zirtirtu nuai 16.75 chuan ni 3-5 chhung training an nei tawh bawk a; school nuai 5.72 chu pianphunga harsatna bik neite kalna tura buatsaih a ni tawh a ni.

Q. 11 Elementary education tha zawka siam turin SSA hian eng nge a tih mek?
Chhanna: Elementary education tha zawka siam turin SSA hian kawng tam takin hma a la a. Naupang leh zirtirtu inmil dan tur chhutin zirtirtu nuai 8.81 a lak belh tawh a, zirtirtute kum tin ni 20 chhung training pein, Primary leh Upper Primary a kal SC, ST leh hmeichhe naupang zirlai vaibelchhe 6.69 hnenah a thlawnin zirlaibu a sem a. Block Resource Centre 6395 leh Cluster Resource Centres 68352 atangin a tul anga puih thin a ni.

State 20 chuan learning enhancement programme an hmang mek a. Chung state te chu - A.P, Assam, Bihar, Chhattisgarh, Gujarat, Himachal Pradesh, Jharkhand, Karnataka, Kerala, M.P., Maharashtra, Nagaland, Orrissa, Rajasthan, Tamil Nadu, U.P., Uttarakhand, West Bengal, Chandigarh leh Puducherry te an ni.

Q. 12 Ram chhungah school kal lo naupang eng zat nge awm?
Chhanna: SRI-IMRB in July - October 2005 a Survey a neih-ah chuan naupang school kal lo vaibelchhe 1.34 an awm a, hei hi naupang kum 6 - 13 inkar zawng zawng atanga chhutin za zela 6.94 an ni.

State hrang hrangte report khaikhawmin a zat tarlan hi nuai 76 chauh a ni ta.
( in crores)
2001-02         2002-03       2003-04       2004-05       2005-06       2006-07       2007-08
   3.20                2.49             1.16              1.35              0.95             0.70*           0.76*
*state report angin

Bihar-ah naupang school kal lo nuai 21.19 awmin West Bengal-ah nuai 13.5 an awm a, U.P-ah nuai 7.85 awmin Orissa-ah nuai 5.37 an awm (a tam zualte)

Q. 13 SSA hmalak hnu hian naupang school lut leh school chhuahsan chungchangah hmasawnna a awm em?
Chhanna:

• SA-in hma a lak hnu hian Primary school-ah nasa takin a lut an pung a, school chhuahsan erawh chu an tlem ta hle a ni.

• Gross Enrolment ratio - kum 2001-02 a 95.7 chu 2004-05 khan 108.56 a ni.

• School chhuahsan -kum 2001-02 a 39% chu 28.49% ah a tla hniam a. Hmeichhe naupang bikah phei chu 15% in a tlahniam a ni.

• Gender Parity Index pawhin hma a sawn a, 2001-02 a 0 .83 chu 2005-06 ah chuan 0. 92 a kai chho a ni.

• Primary stage GER hmeichhia bikah zaa 20 chuanga a pun laiin school chhuahsan chu zaa 15 laiin a tlahniam thung.

Q. 14 Zirtirtu training hi a hlawk tak tak em?
Chhanna : SSA in zirtirtute training a buatsaih chhan chu:

• Thiam zawka zirlaite zirtir thei tur leh anmahni thiamna tuihriam tur te, an rilrem leh an thiam zawnga naupangte zirtir thei tura buatsaihna a ni.

• Zirtirtu la train lote leh lak tharte tana inzir nan

• BRC/CRC te thuam that zel a, zirtirtu ten thiam zawka an zirtir theihna tura puitu ni tura buatsaih
  
  SSA hnuaia Teacher Training kalpui mek dan chu:

• Elementary school zirtirtute kum tin ni 20 zel training neihtirin @ zirtirtu 1 tan nitin Rs.70/- zel

• SSA hnuaia zirtirtu lak tharte chu ni 30 training pek an ni

• Zirtirtu lak thar a hmaa training la nei ngai lo chu ni 60 training pek an ni

Q. 15 SSA ah hian eng angin nge mipui lamin chanvo an neih?
Chhanna : State tinin tualchhung miten SSA-a hma an lakna turin kawng hrang hrangin hma an la theuh a. State sorkar chuan thuneihna chu Village Education Committee/Panchayats/Urban Local Bodies hnenah emaw sorkar thupek angin/dan siamin a phut angin a pe a. State sorkar chuan tualchhung theuh-ah elementary education-a mawhphurtu tur a siam theih nan kum 10 kalta chhung khan danpui siamthat vawi 72/73 a nei hman a ni. SSA hnuaiah chuan School senso tur zawng zawng chu tualchhung Committee-ah a lut a, school senso za 50 aia tam hi SSA tum a ni thin. State hrang hrangah a din dan leh a hming hrang hrang awm mahse Village Education Committee (VECs) , School Development Management ti-a hriat lar ber a ni.
Committes (SDMC) Mother Teacher Councils (MTC) emaw Parent Teacher Associations (PTA) tih tein State hrang hrangah hming hrang a awm a. VEC siam phung pawh State hrang hrangah a dang nual a ni. SSA kaihhruaina ang chuan VEC leh tualchhung committee chu thingtlangah siam a niin khawpuiah chuan Panchayati Raj Institution din a ni a, chungte chuan SSA hnuaia zirna school-te chu an enkawl thin a ni.
 

Back

PIB, Aizawl