RASHTRIYA SWASTHYA BIMA YAJONA

Q 1. Rshtriya Swasthya Bima Yajona (RSBY) hi eng nge ni?
Chhanna: Rashtriya Swasthya Bima Yajona (RSBY) hi Central Govt. ruahmanna thar Prime Minister Manmohan Singh-a’n nikum Independence Day (August 15, 2007)-a a puan kha a ni a. Below Poverty Line (BPL) chhungkuate tana Health Insurance Scheme siam thar a ni a, October 1, 2007 khan hman tan a ni.

Q 2. He Scheme hian enge a tum bulpui?
Chhanna: RSBY ina a tum ber chu Below Poverty Line (BPL) chhungkuate’n harsatna an tawha, hospital-a an awm a ngaih palh pawha insurance cover pek ve a ni.

Q 3. Kan ram chhung hmun tinah hian hman a ni em?
Chhanna: RSBY hi kum 5 atana duan hmasak a niin kum tinin a hmangtu state-te chuan an district tan 20 per cent contract an nei thei a. April 1, 2008 thleng kha chuan state lian sorkar zawng zawng deuh thawin he scheme hi an zawm duh tih an puang tawh a. State 15 (Delhi, Rajasthan, Gujarat, Haryana, Bihar, Uttarakhand, Kerala, Punjab, Chhattisgarh, Karnataka, Maharashtra, Tamil Nadu, Uttar Pradesh, West Bengal leh Jharkhan) te chuan advertisement an chhuah tawhin state dang pathum – Delhi, Haryana leh Rajasthan te chuan hming lak khawm hna an tan tawh a ni. Ni 31.3.2008 thleng kha chuan dawngtu turte hnenah Smart Cards 6,000 chuan sem chhuah a ni tawh bawk. Ni 8.4.08 khan Punjab state nen MOU ziah a lo ni tawh bawk.

Q 4. State te hian a tan kum hian Districts 20 percent chauh an neih hi phal tur a ni em? An proposal te an thehluh theih hun bik te a awm em?
Chhanna: He Scheme atana kaihhruainaa a lan dan chuan state tinte chuan kum 5 chhung kum tinin district 20% an nei thei dawn a. Amaherawhchu state thenkhatte’n proposal an nei lo anih chuan an chan ai state dangten an chan Central Govt.-in a phalsak a ni. Tunah rih chuan proposal thehluh hun bik siam a ni lova, hun bik siam thuai erawh chu tum a ni.

Q 5. He Scheme hlenchhuahna tur sumte hi tu tum tur nge? Eng anginnge hna a thawh?
Chhanna: Govt. of India (GOI) chuan a tam zawk, 75 percent a tum dawn a, a bak chu state govt. tum tur a ni. State govt.-te chuan Competitive bidding an siam ang a, chuta lo diltu Insurance Regulatory Development Authority (IRDA) ten phalna an pek Public leh Private Insurance Company te zinga mi an thlang chhuak ang. An bids thehluhahte chuan GOI-in a ngai a tih zawng zawng an thehlut tel tur a ni. Insurer chuan GOI-in sum fai tel lova Smart Card member te ta chu ringin chhawmdawlna pek an phal tur a ni a, mi tam zawkten an hlawkpui theihna tur leh enrolment tih anih hnua ruahmanna hlenchhuah anih theihna turin insurer chuan khawtlang aiawh, entirnan NGOs, etc. te thawhhopui a remti tur a ni bawk. Sum fai tel loa ruahmanna an siampui theih tur hospital-te hming chu insurer chuan a thehlut bawk tur a ni a. Heng hospital-ahte leh thil dang tulte an nei kim tur a ni bawk. hei bakah hian RSBY dawhkan bik an siam ang a, Smart Card reader an neih bakah a thawk tur a lo zir lawk tawh an nei bawk tur a ni. Hming list-ah chuan public leh private hospital-te an tel ngei tur a ni bawk.
Financial bid hi chhungkaw tel tam lamah a innghatin insurer chu smart cards a pek chhuah i.e. chhungkua a huam zat azirin rulh let leh a ni dawn a ni. Contract-ahte chuan district mal tin chiang taka tarlan tur a niin, insurer-in a huam chin district tinahte chuan office neih ngai tur a ni bawk. Eng hunah pawh district pakhatah insurer pakhat chauhin hna a thawk tur a ni a. GOI-in hardware leh software specification a duante hi districts leh state-ahte ruahmanna tluang taka kalpui anih theihna tura duan a ni.

Q 6. BPL chhawmdawlna dawngtu sum engzatnge an inenkawlnan an hman theih?
Chhanna: BPL chhungkuate chuan registration fee Rs. 30 an pek chuan in-patient medical procedures 700, Rs. 30,000 man thleng an hman phalsak an ni. Natna leh harsatna an tawh mekte chu ngaihtuah tel a ni bawk a; tin, kum lamah bithliah a awm lo bawk. Chhungkaw lu ber leh a kawppui leh midang pathum he ruahmanna hian a huam a ni.

Q 7. Hospital-a awm man te chu Beneficiary chuan a man a tum phawt ang a, chumi hnuah rulh leh tur a ni nge ruahmanna dang a awm zawk?
Chhanna: Smart Card hman a nihna hian he scheme hi sumfai tel lovin a kaltir bakah migrant labour-te tan pawh awlsam taka hman theihin a siam. A hmasa ber atan chauh Registration Fee-ah Rs. 30 a ngai a, hei hi BPL chhungkuate inkiltawih bik lohna tura siam a ni. he scheme hnuaiah hian kal man leh haw man Rs. 100 a awm tel bawkin hetah pawh hian a tam berah Rs. 1,000 chauh sen a ngai a ni.

Q 8. He Scheme-ah hian BPL chhungkuate engtin nge an inziahluh ve theih ang? Engtinnge Smart Card an dawn ve theih ang?
Chhanna: Sawi tawh angin insurer hnenah hian BPL chhungkaw list pek a ni a. Khaw tinah hming ziah lih anih hma hian ziah luh hun tur leh hmun tur tlangaupui sa vek a ni. Khaw tinah mobile station siam a ni a, a hmun atan hian public school te hman a ni tlangpui. heng station-ahte hian he scheme-ina a huam chhunga mite kutzia la thei hardware dah a ni a, he hardware hian thlalak nen Smart Card a tichhuak nghal thei bawk. Beneficiary-in Rs. 30 a pek hnuah beneficiary hnenah chuan a scheme chungchang ziahna leh hospital ho hmingte leh Smart Card-te chu a hmunah pek chhuah nghal a ni. heng zang zawng tihnan hian minute 10 pawh a ngai lo a ni. Hming ziah luh hunlai hian mi pathum an awm ngei ngei a ngai a. Chung mite chu – Enrolment chu dan ang thlapa tih a ni tih lo pawmpuitu tur state govt. officer leh smart card zuartu tur leh insurance company aiawhte an ni. Enrolment tih ni tlai lamah chuan Smart Card dawngtu chhungkaw list chu state govt. hnenah thawn a ni a, hemi hnuah hian district level hnuaia dah a ni.

Q 9. Tuin nge Smart Card hi pe chhuak ang? Tuin nge Smart Card hi nei ang? A hmunah Smart Card hi pek chhuah nghal a ni ang em?
Chhanna: Smart Card siamtute siamsa hmangin Company-te’n Smart Card hi an pe chhuak ang. Smart Card neitu tur hi chu a pe chhuaktute an ni ang a, a hmunah Smart Card hi sem chhuah nghal a ni bawk ang. Pawisa chawi tur a awm anih chuan insurance company te’n an chawi vek ang.

Q 10. Chhungkaw lu ber awm ta lo se Smart Card pek chhuah tho a ni ang em? Chhungkaw member awm kim lote hnenah a pek chhuah ve theih em? Card pek chhuah hnuah thil dang ziah belh leh theih a ni em?
Chhanna: Card-ah a thlalak a awm ngei a tul avangin chhungkaw lu ber a awm loh chuan Smart Card a pek chhuah theih loh. Chhungkaw hotu ber a awm phawt chuan midang awm lo mah se Card hi a pek chhuah theih tho a ni. Pek chhuah hnuah thudang belh ngai anih chuan insurance company-ten district kiosk-ah an dah belh thei.

Q 11. Smart Card hi tihbo ni ta sela enge a pawina tur? Khawiah nge kan siam thartir leh theih ang?
Chhanna: Smart Card a bo chuan a thar siamtir leh theih a ni a, amaherawhchu a siam lehna man chu beneficiary-in a tum tur a ni. Chhungkaw chanchin kimchang chu database-ah dah anih avangin district kiosk-ah a thar chu siamtir leh tur a ni.

Q 12. Chhungkua tih hian tu te nge a huam? Hringtu nu leh pate a huam em? Chhungkua chu 5 aia tam ni ta se, tu ber nge telh ve loh tur? Tuin nge he thutlukna hi siam ang?
Chhanna: He scheme hian BPL chhungkaw pakhata mi 5 thleng a huam a. Chhungkua tih chuan chhungkaw hotu ber leh a kawppui leh a chawm lai mi 3 a huam a ni. Chawmlai tih hian fate leh hringtu nu leh pate pawh a huam. Chhungkaw zat chu 5 aia tam an nih chuan a tel ve lo tur chu chhungkaw hotu thu a ni ang a, amaherawhchu chhungkaw hotu ber kawppui chu tel ve ngei tura ngaih a ni a, midangte atangin a tel ve lo tur chu thlan chhuah tur a ni ang.

Q 13. OPD hi huam tel ve a ni em? OPD râwn man hi man awm lo a ni em? A man a awm anih chuan tu chawi tur nge? Eng natna te nge tel ve lo? Chung natnate chu an ni em? List thlan chhuah bik a awm em? Chu chu eng list nge?
Chhanna: He scheme-ah hian OPD hi huam tel a ni ve lova, amaherawhchu OPD rawn man a awm lo a ni. Rawn mai piahlamah chawi tur a awm anih a, damdawiina awm a ngaih chuan si loh chuan beneficiary-te’n an chawi mai tur a ni. Kaihhruainaah chuan natna thenkhat pawm tel ve loh a awm a, chungte chu :

• Hospital-a awm kher ngai lo natna te

• Pianpui natna leh rualbanlohna te

• Ruihtheih thil leh zu avanga damlohna te

• Fa neih theih loh te

• Inchiu vanga na te

• Indona leh nuclear indona avanga natna te

• Mahni intihlum te

• Naturopathy, Unani, Siddha, Aurveda.

Heng tarlante hi chu entirna ang chauh a ni a, guidelines-ah chuan natna chi tlem thei ang ber huam tel loh nise tia ruahman chu a ni tho a, huam tel ve loh tur chungchangah hi chuan state leh insurer te inbiakdan azir a niin Approval and Monitoring Committee te thutluknaah a innghat bawk.

Q 14. Hospital-ah chuan engtia inremsiam tur nge?
Chhanna: Hming ziah luh hnu thla hnihna atangin Smart Card chuan a kengtu chu damlohna thenkhat ziah lante a nei anih chuan damdawiinah a awm thei tih a tilang a. Entirnan February-ah mi pakhat lo inziak lut ta se, chumi kum 1st April atangin a kum leh 31st March thleng hospital thlan chhuahahte a Smart Card chu a hmang thei a ni. Hospital-ah chuan va lut ta ang sela, a card chu khawlin a lo chhiar ang a, inenkawl zui ngaite anih chuan inenkawl dan tur chu software menu-ah thlan a ni ang a, chupa chu a chhuah hunah a card-ah chuan khawl chuan Rs. 30,000 a\angin a inenkawl man chu a la chhuak mai ang a, chumi hnu-ah receipt siamin damlo hnenah chuan pek chhuah a ni ang.

Q 15. Damdawi hmanga inenkawl zui dan tur te hi ziah chhuah a ni em? A man te ziah a ni em? Tuin nge a man tur bituk ang? Hospital-ten hei hi an ti ngei tur a ni em? Public leh private hospital awm man a inang em? State/ram chhung hmun tinah awm man hi a inang vek em? Beneficiary chu hospital danga sawn theih a ni em? pawisa sen chungchanga beneficiary tan harsatna a awm em? Tuin nge sen ngai chu tum ta ang?
Chhanna: A insurance-ah pawisa a la neih chhung chu beneficiary chu hospital dangah sawn theih a ni a, sum engmah a sen a ngai lo ang. A insawnna hospital chuan insurance company hnenah a lo peksak mai ang.

Q 16. Chhungkaw hotu ber lo boral ta se Card chu a la hmanzui zel theih ang em?
Chhanna: Chhungkaw hotu ber a boral pawhin Card-a hming chuang midangte chuan card chu an la hmang zui zel thei ang.

Q 17. Chhungkaw member zinga mi lo boral ta se midang atira Card-a hming lang ve loin a boral ta ai chu a awh thei em?
Chhanna: Chhungkaw member zinga mi a boral chuan atira hming lang ve lo midangin a ai a awh thei. Amaherawhchu a ai awhtu chu BPL database-ah enrolment an tih laiin a chanchin an ziahlan ve ngei a ni tur a ni.

Q 18. Sum sen zat chu Rs. 30,000 aiin tam ta se, tu tum tur nge ni le?
Chhanna: Rs. 30,000 aia tam anih chuan a pelhna zat ang ang chu beneficiary-in a tur tur a ni.

Q 19. Benficiary-te tan helpline a awm em? Tuin nge enkawl ang?
Chhanna: District tinah insurance company-te chuan helpline an din tur a ni a, a enkawl zui pawh an hna a ni.

Q 20. State chhunga Govt. Department-ten sum chu an enkawl ang em? Nge agency dangin an enkawl zawk dawn? Chu agency chu state govt. ta ngei a ni tur em ni?
Chhanna: Insurance Company-te harsatna awm lova rulh zel an nih theih nan State Govt. hnuaia pawl pakhatin sum te chu a enkawl tur a ni. Pawisa che vel reng reng chu he agency kaltlanga tih vek tur a ni.

Q 21. Beneficiary-te hnen atangin tuin nge Rs. 30 khawn ang? Engtia hman tur nge?
Chhanna: Registration Fee Rs. 30 chu beneficiaries-te hnen a\angin insurance company-in a khawn ang a, State Govt.-in insurance company te a rulhna tur pawisa zingah dah luh a ni ang.

Q 22. Hospital-a inenkawlna man chu engtia chhui tur nge a nih?
Chhanna: Nitina inenkawl dan leh a man chu district server e-database-ah dahluh zel a ni ang a, insured titu leh sorkar copy tur format tihchhuah a ni anga, insured titu tan claim awlsam taka ruahman a ni ang.
 

Back

PIB, Aizawl