Rajiv Gandhi Grameen Vidyatikaran Yojana (RGGVY)

Q 1. Rajiv Gandhi Grameen Vidyatikaran Yojana hi eng nge a nih?
Chhanna: Rajiv Gandhi Grameen Vidyatikaran Yojana hi 4th April, 2005-ah khan Central Govt. chuan a duang chhuak a, National Common Minimum Programme (NCMP) thil tumte tih hlawhtlin nan leh ramchhung in tina tum kum 5 lo kal tur chhung ngeia electric eng pek chhuah hman a tum a ni.

Q 2. He scheme hian eng thil te nge a tum?
Chhanna: Zokhaw hmun hrang hrang eng la nei lo 1 lakh te hnena eng pek leh zokhaw in 2.34 crore te hnena electricity connection pek a tum a. He hna atan hian Rs 51000 crore vel sen ngai tura ngaih a ni.

Q 3. RGGVY ah hian Central Govt. in eng hna nge a thawh?
Chhanna: He scheme-ah hian Central Govt. chuan Rural Distribution Backbone (REDB) din nan te, Village Electrification Infractructure (VEI) siam nan te, Decentralised Distriuted Generation (DDG) atan te Capital Subsidy 90% lai a tum a. Below Poverty Line (BPL) chhungkua ten a thlawna eng an lo hman ve theih nan in khata hman zat chhut a Rs 2200/- man hu capital subsidy 100% a tumsak dawn bawk. APL (Above Poverty Line) chhungkuate erawh chuan State in a man a bituk ang chawiin 10% erawh chu Rural Electrification Corporation in a chawi sem ve dawn a ni.

Q 4. Eng khuate nge he scheme-ah hian tel thei?
Chhanna: Mi 100 aia tam chenna khuate an tel thei.

Q 5. Free connection hi tute dawn tur nge?
Chhanna: BPL chhungkuate dawn tur a ni.

Q 6. Free connection dawng ve thei lote tan puihna hran a awm em?
Chhanna: Above Poverty Lines chhungkuate chuan State bituk ang eng chhit man an chawi tur a ni a, subsidy an dawng ve thei lo.

Q 7. School buildings/Dispensaries/Panchayat office etc te hi RGGVY hnuaiah an tel thei em?
Chhanna: He scheme hian heng hmun pawimawhte hi a huam tel a ni.

Q 8. RGGVY hnuaia electric connection dil ve duh tan khawi hmuna dil tur nge?
Chhanna: BPL chhungkuain an dil duh chuan he scheme hnuaiah hian free connection a dawn theihna turin Gram Panchayat in a lo tanpui ang. APL chhungkuate tan chuan Vidyut Karyalaya nearby State utility office-ah dil tur a ni.

Q 9. Tuten nge dil thei?
Chhanna: He scheme ina a huam china chengte zawngin an dil thei.

Q 10. Tuin nge dilna thehluh lo remtih pui?
Chhanna: BPL connection chu Gram Panchayat in a remtihpui a, APL connection chu Viyut Karyalaya nearby State utility office kaltlangin a ngai thung.

Q 11. Miten an khua te DPR-ah engtinnge an tel tir ve theih ang?
Chhanna: He scheme hnuaiah hian RGGVY guidelines angin State power utility chuan Detailed Project Report a siam ang a. Hetah hian eng nei lo khua te a telh bawk ang. Eng hmang tawh khua mahse la mamawh belhte leh BPL chhungkua eng la nei ve lote pawh a huam bawk ang.

Q 12. He scheme atana sum hman dan eng angin nge?
Chhanna: He scheme-ah hian Central Govt. chuan Rural Distribution backbone (REDB) din nan te, Village Electrification Infrastructure (VEI) siamna tur te Decentralised Distributed Generation (DDG) atan te Capital Subsidy 100% a tum dawn a. Below Poverty Line (BPL) chhungkua ten a thlawna eng an lo hman theih nan in khata hman zat chhutin Rs 2200/- man hu Capital Subsidy 100% a tumsak dawn bawk. Above Poverty Line (APL) chhungkuate chuan State ina a bituk zat an chawi ang a subsidy an dawng ve lovang.

Q 13. Project pakhat atan sum engzatnge pekchhuah a nih?
Chhanna: Tun hnaia Electrification Projects in a hman zat atanga an chhut hnu-ah Ministry of Power chuan Village Electrification atana sum pek zat tur a bituk a. (Cheng nuai biin)

• Mual rem pangngai, Electrict la pek ngai lohnaah                         cheng nuai 13

• Tlangram, Tribal Area leh Thlaler-ah                                           cheng nuai 18

• Electric pek tawhnaah chuan mual/hmun remah                            cheng nuai 4

• Tlangram, Tribal Area leh thlaler-ah                                             cheng nuai 6

• BPL ina Electric pekna man                                                        cheng nuai 0.022

Q 14. Eng agency in nge heng hna hi buaipui?
Chhanna: State hrang hrangah te chuan state power utilities-in an buaipui a. Mahse, a hna a hautak em avangin Govt. of India chuan a puitu tur a siam a, CPSU ten RGGVY scheme-ah hian state power utilities-te an pui a ni. State thenkhat CPSU service duh ve te4 chuan CPSU te nen MOU an ziah a ngai a ni.

Q 15. Gram Panchayat hian he hna hi a thawk ve thei em?
Chhanna: Thei lo. Gram panchayat te chuan he hna thawk tura mi thiam bikte an nei lo. Amaherawhchu RGGVY project zawh a nih hunah Franchisees anga awmin a enkawl zuinaah an lo pui thei.

Q 16. Equipment/ Construction Quality hi engtiang anga enkawl tur nge?
Chhanna: Three Tier Quality Monitoring Mechanism hmanga enkawl tur a ni a. Tihdan tur chu -

1. First Tier
   First Tier hi Project Implementing Agency (PIA) te mawhphurhna a ni a. PIA te hian endiktu an ruai ang a, ani chuan hna thawh leh a thawhna tur bungrua te chu a tha tawk em tih a enfiah thin ang. Project tina he enfiahna atan hian 50% khuate en an ni ang.

2. Second Tier
   Hetah hian a hna leh bungruate chu Rural Electrification Corporation in a enfiah ang.
   Enfiahnaah hian bungruate chu a zuartute zawrhna hmunah endik a ni ang a, khua 10% te chu endik an ni bawk ang.

3. Third Tier
   Ministry of Power chuan endiktu tur a ruai ang a, supply lam leh hnathawh dan endik thin a ni ang. A tha tawk lo anga ngaihte chu REC Quality Coordinator-in tul a tih chuan RQM emaw NQM te a endik nawn tir leh ang.
   District/State thenkhatah hna chu thawh that tawh loh a nih chuan a tha lo lai siam a nih hma chuan Programme chu chawlh rih a ni ang.
   Quality Control Mechanism hi Quality Control Manual, REC siam hmanga kaihhruai a ni ang

Q 17. Franchisee hi eng nge?
Chhanna: RGGVY scheme hnuaiah project siam a nihin franchisees te hi siam ngei tur a ni a. Heng franchisee te hi state power utilities te aiawhtu an ni a. Eng sem chungchangah te, issuance of electricity connections, minor faults siam that, meter chhiar te, electricity bill pek chhuah leh bill lo dawn khawl chungchangah te mawhphurhna a la theiin a lo buaipui thei a. State utility kaihhruaina hnuaiah hna an thawk ang a, consumer te hnena an mamawh ang service pek chungchangah state utility hian mawh a phur a ni.

Q 18. Franchisee-ah tute nge tang thei?
Chhanna: Non- Governmental Organisations (NGOs) te, Self Help Group, User Associations, Cooperatives emaw individual entrepreneurs te hi franchisee-ah an tang thei.

Q 19. Hmeichhiate hi franchisees-ah an tang ve thei em?
Chhanna: Tang ve thei e. Hmeichhe Self Help Group te hi franchisees-ah an tang ve thei a. Hetiang Self Help Group te hian Uttaranchal leh West Bengal-ah te chuan hna an thawk nasa hle tawh a ni.

Q 20. RGGVY scheme leh an hnathawh tawh te khawi hmun atangin nge kan hriat theih ang?
Chhanna: Ministry of Power te website siam i.e. http://powermin.nic.in atangin a hriat theih. RGGVY chungchang bik tarlanna tur website siam vat tum a ni bawk.

Q 21. RGGVY hnuaiah thingtlang khaw engzatah te eng pek a nih tawh?
Chhanna: Ni 31.3.2008 thleng kha chuan eng la pek loh khaw 47,826 te hnenah eng pek a ni a.

Q 22. Chenna in engzatah nge eng hi pek a nih tawh?
Chhanna: Ni 31.3.2008 thleng kha chuan chenna in 27,71,610 laiah eng pek a ni tawh a, hei hian BPL chhungkuate hnena free connection 22,93,770 pek tawhte a huam tel a ni.

Q 23. RGGVY scheme sanction tawh hian zokhua engzatah nge electric connection a pek theih ang?
Chhanna: Sorkar hian RGGVY scheme phase-1 atan subsidy Rs 33,000 crore a pe chhuak a. Hemi hmang hian zokhua eng la thlen lohna 1.15 lakh te eng pek a tumin, eng nei tawh khua 3.41 lakh ah te eng pek belh a tum bawk a. Hei bakah hian heng khuaa BPL chhungkaw in 2.34 crore te hnenah free connection pek a tum bawk a ni.

Q 24. State chhunga power pek chhuah tawh zat chhutin, zokhua te eng pek ve tumna hi a hlawhtling thei ang em?
Chhanna: Section 43 of Electricity Act 2003 behchhan chuan power pek chhuah hi distribution licensee te mawhphurhna a ni a. He section-in a sawi dan chuan distribution licensee chuan ram neitu dilna angin, dilna hmunah te chuan dil a nih atanga thla khat hnu-ah electricity e pe ngei tur a ni. Section 6 of the Act 2003 a a lan dan chuan rural electricity infrastructure and electrification of households scheme kaltlangin State Govt. leh Central Govt. chuan mihring chenna hmun hamlets-ah te leh zokhuaah te electricity hi an pe ngei tur a ni. Mahse, State Govt. te nena inremna siam a nih avangin State Govt. chuan RGGVY hnuaia electric pekna zokhuaah te chuan darkar 6-8 chhung electricity a pe ngei tur a ni.

Q 25. Eng nge Rural Electrification Policy hi?
Chhanna: Electricity Act 2003 a ruahmanna angin Central Govt. chuan ni 23.8.2006 khan Rural Electrification Policy hi a duang a, he policy-in a tumte chu:-

• Kum 2009 ral hma ngeia in tin tana eng pek chhuah hman

• Power tha leh rintlak, to si lo pek chhuah

• Kum 2012 hmaa in tin tana hman tur 1unit pek chhuah.

Q 26. Zokhuaa electric mumal leh rintlak pek chhuah a nih theih nan State te hnanah eng instructions te nge pek a nih?
Chhanna: State te chu in tinin eng an neih theihna tura Rural Electrification Plans siam tura hrilh an ni a. He Rural Electrification Plan hi zokhuaa electric mamawh zat hriatna tur te, a pek chhuah leh sem dante, power mamawh zat sem chhuah a nih theihna turte, transmission tha leh sub transmission network neih theihna turte, khaw hla zawk ten electric an lo neih ve theihna tur te, hmun hrang hrang atanga a tul ang sum hmuhna tur te, franchisees te hman tangkai theih nan te, franchisees te hnena tariff pek a nih theih nan te leh mamawh dang phuhruk nante he plan hi siam a ni. He plan hi district development plan nena kal kawptir theih a ni a. Commission thei tur hnena pek tur a ni. Tunah rih chuan state 12 ten an final/ draft RE Plans an thehlut tawh a ni.

Q 27. Franchisee din leh hmangzui tur hian MOP in engtin nge hma a lak?
Chhanna: May 2006 khan Ministry of Power chuan National Programme for Franchisees a din a, hei hi state tina franchisee dinna tura duan a ni. He programme din a nih lai hian REC chuan state tinah franchisee guidelines a semchhuak nghal a ni. Ministry of Power leh REC & USAID tangkawp chuan franchisee din nan leh tangkai taka hna a thawh theihna turin theihtawp an chhuah a ni.

Ministry of Power chuan 3 “National Franchisee Development Programme” a buatsaih a. Hei hian peng pahnih a nei a, chungte chu Training of Trainers (TOT) leh Training of Franchisees te a ni. TOT hian ram chhungah trainees 2000 tal siam a tum a. Franchisee Training Programme hian mi 30,000 vel zirtirna pek a tum bawk. March 2008 khan TOT programme sawm (10) leh Franchisee Development Programme pathum (3) te siam a niin hetah hian mi 289 leh mi 88 lai an tel a ni.

Q 28. RGGVY hmalakna ti \huanawptu harsatna engte nge?
Chhanna: RGGVY hmalakna ti thuanawptu harsatna te chu:-

1. Detailed Project Reports (DPRs) pek tlai te

2. Forest Clearance tlai lutuk te

3. 33/11 KV Sub-Station tur ram lei a la ni lo te

4. Hna thawk thei tur agency tha an tlem lutuk te

5. Contracting agencies te hlawh sang lutuk te

6. Material vang lutuk leh to lutuk te

7. Bill leh road permit pek chhuah har a ni te

8. State utilities in a siam RGGVY hnuaia Central Public Sector Undertakings (CPSUs) in hna a tan har te

9. Zokhuate eng pek an nihna tura Panchayat Certificates ngaite sem chhuah har lutuk a ni te

10. Khawchhung miten new connections awmzia leh tulna an hre lo te

11. State thenkhata rural electricity infrastructure chhe lutuk te

12. State thenkhatin BPL list an siam har te

13. State thenkhatin materials lei nana state leh khawtlang chhiah (taxes) an pe phal lo te

14. Hnathawhna tur hmunhma chhe lutuk te hi an ni.
    
     

Back

PIB, Aizawl