National Social Assistance Programme (NSAP)

Q.1. NSAP hi eng nge a nih?
Chhanna: NSAP awmzia chu National Social Assistance Programme tihna a ni a. August ni 15, 1995 a din a ni. NSAP huamchhungah hian Indira Gandhi National Old Age Pension Scheme (IGNOAPS) te, National Family Benefit Scheme (NFBS) leh Annapurna Scheme te an tel a ni.

Q.2. Tu ten nge old age pension la thei?
Chhanna: Indira Gandhi National Old Age Pension Scheme dawng thei te chu -

• Kum 65 chunglam a ni tur a ni
• Govt. of India in mirethei ni a a ngaih te zinga mi a ni tur a ni.

Q.3. IGNOAPS hi a hmasa zawk National Old Age Pension Scheme (NOAPS) nen eng nge a inan lohna?
Chhanna: NOAPS hnuaiah kha chuan hna thawh neilo leh hlawh lak tur mumal nei lo kum 65 mi vel in old age pension an la thei a. IGNOAPS hnuaiah erawh chuan BPL chhungkua ami kum 65 chunglam chauhin pension hi a la thei thung, mirethei zawng zawngin an la thei lo a ni.

Q.4. IGNOAPS hman tan hun kha engtik nge?
Chhanna: National Old Age Pension Scheme chu hming thar pek a niin Indira Gandhi National Old Age Pension Scheme tia vuah a ni a, November ni 19, 2007-ah khan hman tan a ni.

Q.5. Indira Gandhi National Old Age Pension Scheme hnuaiah pension engzatnge a lak theih?
Chhanna: Indira Gandhi National Old Age Pension Scheme (IGNOAPS) hnuaia pension lak theih zat chu thle tin Rs 200 a ni a, a aia tam pawh State Govt. in a pek belh thei. Tunah hi chuan Rs 200 atanga Rs 1000 vel a ni tlangpui.

Q.6. State Government pension Scheme te eng ang nge?
Chhanna: State tam tak chuan pasal sun te, rualbanlo leh old age pension te la thei an siam a. heng scheme te hi State in a tum a ni.

Q.7. He scheme la tur hian tunge ka biak ang?
Chhanna: Social Security Schemes te hi Social Welfare Dept. in an buaipui tlangpui a. Amaherawhchu, State thenkhatah chuan Rural Development Dept. or Women Child Development Dept ten scheme hi an siam thung. Pension la duh chuan mahni state theuh a a buaipuitu dept. pan mai tur a ni.

Q.8. Engtin nge pension chu ka hnenah pekchhuah a nih ang?
Chhanna: India sorkarin a ruahman dan chuan pension chu a dawngtu tur bank account-ah emaw, post office-ah emaw thun tur a ni. State pawhin pension a pekchhuahin bank account/post office saving account ah emaw, Gram Sabha-ah pawisa thawnin emaw Money Order hmangte pawhin a pe chhuak thin.

Q.9. Hmeichhia ten pension hi an dawng ve thei em?
Chhanna: IGNOAPS in pension dawng thei tur a a ngaih an nih chuan hmeichhiate pawhin pension an dawng ve thei a ni.

Q.10. Chhungkaw khatah hian pakhat chauhin em ni pension dawng thei?
Chhanna: Nilo e. BPL chhungkua an nih phawt chuan kum 65 chunglam zawngin old age pension an dawng thei.

Q.11. National Family Benefit Scheme hi eng nge ni?
Chhanna: National Family Benefit Scheme (NFBS) hi National Social Assistance Programme (NSAP) peng a ni a. He scheme hnuaiah hian BPL chhungkua a eizawngtu ber a thih chuan pawisa pek an ni thin.

Q.12. Tute nge NFBS dawng thei tu turte?
Chhanna: NFBS dawng thei te chu:-

• Chhungkaw eizawngtu chu an chhungkua rinrawl ber a nih in
• Chhungkaw eizawngtu ber chu a thih laiin kum 18 aia upa kum 65 hnuailam a nihin
• An chhungkua chu India sorkar tehnaah BPL chhungkua an nihin

Q.13. NFBS hnuaiah hian pawisa engzata tam nge pekchhuah a nih?
Chhanna: Chhungkaw eizawngtu ber chu accident-in emaw dam loh vangin emaw a thih chuan Rs 10000/- pek a ni thin. Pawisa chu chhungkaw pa ber hnenah hlan thin a ni.

Q.14. Annapurna Scheme hi eng nge a nih?
Chhanna: Annapurna scheme hi ni 1.4.2000-ah hman tan a ni a, he scheme ina a tum chu NOAPS in a chawm ve loh tar chawmna dawng thei si te hnena eitur pek a ni. he scheme hnuaiah hian a dawngtu hnenah thla tin buhfai kg 10 pek thin a ni.

Q.15. 2002 BPL list-ah a hming awm lo ta se IGNOAPS hnuaiah miin engtin nge pension a dawn ve theih ang?
Chhanna: List-a a hming a awm loh chuan pension a dawng thei lo a ni. Amaherawhchu, thuneitute hnenah BPL list a a hming dah ve turin a ngen thei, dah a nih hnu-ah chuan pension a dil ve thei a ni.

Q.16. IGNOAPS atanga pension dawnte hi engtin nge tih tawp a nih theih?
Chhanna: A dawngtu a thihin emaw, a hun taka pawisa a lak lohin emaw pension hi a tih tawp theih a ni.

Q.17. Pension hi engtik niah nge an pekchhuah thin?
Chhanna: Pension hi thletin pekchhuah thin a ni a, State thenkhat erawh chuan kum khatah vawi hnih emaw vawi thum emaw an pe thin.

Q.18. Pension latu chu thi ta se midangin an lak chhunzawm thei em?
Chhanna: Pension latu a thih chuan pension chu tih tawp tur a ni. Midangin an la chhunzawm thei lo.

Q.19. Pension lakchhuah nan joint account a hman theih em?
Chhanna: Chhungkuaa midangte nena intawm joint account hmangin pension a lak theih loh.

Q.20. Pension pekchhuah hi enfiah leh pek zawm a ni em?
Chhanna: A dawngtu tur chuan a dawng thei em tih enfiah thin a ni a, a dawng thei a nih chuan pek zawm thin a ni.

Q.21. Pension dil duh tan dil hun bik a awm em?
Chhanna: Dil hun bik a awm lo. 2002 BPL list a awm pension dawng pha chuan kum 65 a tlin chuan thuneitute hnenah pension dil mai tur a ni.

Q.22. National Social Assistance Programme kalphungah lungawi lo ta ila tu hnenah nge ka thlen ang?
Chhanna: Lungawilohna chu NSAP a thawk Nodal Secretary emaw, District/Block level Welfare Officer hnenah emaw thlen tur a ni.
 

Back

PIB, Aizawl