Mid day Meal

Q.1. Chawchhun hi tu te nge dawng thei?
Chhanna: Government school leh khawtlang siam school - Govt.Aided School leh Centres Education guarantee Scheme (EGS) hnuaia mi naupangte leh Alternative Innovative Education AIE naupangten chawchhun hi an dawng thei.

Q.2. Zirlai naupangte tan chawchhun hi eng nge a thatna leh tangkaina?
Chhanna: Zirlai naupangte tana chawchhun thatna leh tangkaina te chu:-

1. An taksa mamawh chaw tha an dawng.

2. Chhungkaw harsa tak atanga lokal naupangte chu school kal a chaktir a, an kal ngun phahin classroom-ah nuamti takin an zirlai an zir thei.

3. Khawkhengin a tihbuai ram thenkhatah te Primary Stage naupangten taksa mamawh chaw tha an dawn theih phah.
    

Q.3. Education quality eng angin nge a tih hmasawn?
Chhanna: Chawchhun hian education quality leh thiam chakna lamah naupangte a pui nasa hle a. Naupang thenkhatte chu school-ah chaw ei lo leh riltamin an lo kal thin a, chaw ei puara lo kalte pawh chhunah chuan an ril a lo tamin an zirlai an ngaihtuah tha thei thin lo. Chawchhun an ei zawhah erawh chuan heng naupangte hian an zirlaite tha takin an ngaihtuah thei thin a ni.

Q.4. Chawchhun atan hian eng ang eiturte nge pek a nih, an chaw eitur tuin nge duang?
Chhanna: Class I-V zirlai naupangte hnenah chuan taksa mamawh chaw tha calories 450 leh 12 gms. of protein pek a ni thin. Upper primary class ami te chuan calories 700 leh 20 gms protein an dawng a. Buh leh chhang bakah be leh thlaite an dawng bawk thin, an awmna hmuna thlai awm te an ring ber. State thenkhatah chuan artui te, theite pawh pek a ni thin. kar tina an eitur chu Village Panchayat VEC leh Self help groups ten an duang thin. State thenkhatah chuan school-a sem turin kar tin chaw pek tur an thlangin an awmna hmuna chaw tha an hmuhtheih ang te an pe thin.

Q.5. Chawchhun tha zawk naupangten an dawn theih nan an nu ten engtinnge hma an lak ang?
Chhanna: Zirlai naupang nu te chuan chawchhun saim laite an pui theiin chawchhun te an lo sem pui thei.

Q.6. Hmeichhiate hi hna a siam sak thei em?
Chhanna: He scheme hian hmeichhiate chu hna a siam sakin chaw chhum atan leh puitu atan a la thin.

Q.7. Naupangte hnenah chaw tha leh taksa mamawh sem reng a nih theih nan engtin nge hma lak a nih?
Chhanna: Pawl hrang hrang aiawh, Gram Panchayats/Gram Sabhas, Members of VEC, PTAs, SDMCs leh Mother’s Committees ten hengte hi an enfiahin an vil thei.

• Naupangte hnena chawchhun sem chu a tha tawkin an dawng ngun em.

• Chaw chhum leh sem chungchangah a thianghlim em.

• Chaw sem turte chu a tha tawkin a hun takah pek thin a ni em.

• Mi rethei leh hausa, hmeichhia leh mipa ten inang khatin an dawng em tih nitin an endik thei.
   

Q.8. He programme hnuaiah hian Central Government atangin chhawmdawlna eng ang nge pek a nih?
Chhanna: Buhfai 100 gms per child/school day for primary classes and 150 gms per child/school day for upper primary classes te leh chaw sem chhuah lama centralin a puih dan te chu:-
1) Primary

1. North Eastern States-ah te chuan State Government in naupang pakhat tan 20 paise tal a tum ve a nih chuan Rs 1.80 per child per school day a pe a ni.

2. State dang leh UT-ah te chuan state government/ UT Admn in naupang pakhat tan 50 paise a tum a nih chuan Rs 1.50 per child per school day a pe a ni.

2) Upper Primary

1. North Eastern States-ah te chuan state government-in 20 paise naupang pakhat tan a tum theih chuan Rs. 2.30 per child per school day a pe.

2. State dangah te chuan State govt./ UT Admn in naupang pakhat tan 50 paise a tum theih chuan Rs 1.50 per child per school day a pe sa
    

Q.9. Chawchhun sem chhuah thinah hian taksain a mamawh tawk Protein pek a ni ngei em?
Chhanna: State hnena pek leh sorkarina a tum ve buhfai chhumnaah te chuan primary class-in calories 450 leh 12 gms of protein an dawng a, upper primary class-in calories 700 leh 20 gms of protein an dawng a ni.

Q.11. Chawchhun sem tur hi tu duh thlan nge?
Chhanna: Ramchhunga buh leh thlai hmuh theih angte hmangin State chuan chhun chaw a sem tur a duang a. Village Panchayats, VEC, Self help Groups etc ten kar tina chhun chaw sem tur an duang thung.

Q.12. Hmeichhe naupangten chhun chaw sem hi an hlawkpui em?
Chhanna: Chawchhun sem a nih hian hmeichhe naupangte school-ah an kal ve theih phah a, hmeichhia leh mipa dinhmun inthlau lutuk a ti zim bawk. He scheme hian hmeichhia te tan hna a siam sakin hnathawh lai nei nu ten inah chhun chaw an chhum ziah a ngaih loh phahbawk. Heng bakah hian kawng hrang hrangah nuho leh hmeichhe naupang ten an hlawkpui em em a ni.

Q.13. Chawchhun sem tur te hi school-in notice board a a tar chhuah kher a tul em?
Chhanna: He scheme ruahmannaah chuan school hian chawchhun sem tur leh a tul dangte notice board-ah a tarchhuak thin tur a ni.

Q.14. Minority Community naupangten chawchhun hi an hlawkpui ve em?
Chhanna: Naupang zawng zawng minority community a mi te, Govt. school, khawtlang school leh Govt. Aided School leh EGS leh AIE Scheme hnuaia centre a mi naupang class I-VIII zirlaite hnenah chawchhun hi sem vek a ni a. Mandaras/ Maktabs a zirlai naupangte hnenah pawh sem a ni.

Q.15. School kal lo naupangte tan chawchhun sem hian awmzia a nei em?
Chhanna: State heang hranga independent organizations ten an zir chianna Annexure a a lan danin chawchhun sem avang hian school kal naupang an tam phah hle a ni.

Q.16. State chhunga chawchhun sem thatna te eng nge?
Chhanna: Chawchhun sem hi khawvela chaw sem chhuah lian leh tam ber a ni a. Ram chhunga school 10 lakhs ah sem a niin khaw kalpawh harsa ber bera naupangte nen naupang 12 crores laiin an dawng thin ringawt pawh hi a thatna chhuan tham a ni.

Q.17. Chawchhun sem dan tur scheme hi tha taka hlenchhuah a nih theih nan eng angin nge sorkarin hma a lak?
Chhanna: He scheme hi tha taka hlenchhuah a ni tih hriat nan he programme zawmtu school zawng zawngte chuan a khat tawkin an hnathawh an tarlang thin tur a ni. An tarlan tur thil te chu:-

1. Buhfai dawn zat leh dawn ni leh receipt te.

2. Buhfai hman zat.

3. Buhfai baka chawhmeh dang hman zat.

4. Chawchhun dawngtu naupang zat.

5. Nitina eitur ziahlanna.

6. He programme buaipuitu community member te hming leh chanchin.

Q.18. Chawchhun sem thin tangkaina leh pawimawhnate eng nge?
Chhanna: Chawchhun sem thin avang hian school kai naupang an tam phahin an kal ngun phah a. Riltam taka school lo kaite leh hmun hla zawk atanga lo kaite chu an riltamin eitur an nei a, tha takin an zirlaite an zir theih phah a, naupangte thanlennaah an taksa mamawh chaw tha an dawn theih phah a. Chetdan mawi entir nan chaw ei hma leh hnu a kut silte a zirtirin tui thianghlim pawimawhnate, chet dan thianghlimte a zirtir bawk. Inngainatna a thlenin chhungkaw dinhmun inthlau tak tak atanga lokal naupangte an thu hovin chaw an ei ho theih phah a, caste leh class atanga inthliarna a tibo bawk. Hmeichhia leh mipa dinhmun inthlauhna a tikiangin, hmeichhe naupang ten school an kal ve theih phah bawk. Nu ho hnenah hna thawh tur a pe a, nu hna thawh lai neite a chhawk zangkhai bawk. Hengte avang hian nu ho leh hmeichhe naupangte tan chhun chaw sem hi a hlu em em a ni.
 

Back

PIB, Aizawl