INTEGRATED CHILD DEVELOPMENT SERVICES

Q.1. ICDS hi eng nge ni?
Chhanna: ICDS lampum chu Integrated Child Development Services a ni a, India sorkar hmalakna lian ber te zinga mi a ni. Naupang kum 6 hnuailam te rilru leh taksa mamawh ngaihtuah a, naupai lai leh hnute pe lai hmeichhia kum 15-45 inkarte a tanpuiin, heng hnate hi Anganwadi Centres kaltlangin a thawk thin.

Q.2. ICDS hnuaiah hian eng hnate nge an thawh?
Chhanna: ICDS hnuaiah hian hna pawimawh tak tak chi ruk lai thawh a ni. Chungte chu:- taksa mamawh chi hrang hrang phuhruk te, natna laka invenna te, taksa hrisel leh sel loh enfiah te, a mamawh te tan enkawltu tur mithiam kawhhmuh te, pre-school zir awm tawk zirtirna din te, taksa mamawh chaw chi hrang hrang leh hriselna chungchanga inzirtirna hna te an thawk thin.

Q.3. An hnathawhte chu khawiah nge kan lo dawn ve theih ang?
Chhanna: Anganwadi Center kaltlangin kan dawng ve thei a ni.

Q.4. Anganwadi chu eng nge ni?
Chhanna: Anganwadi tih awmzia chu kawtzawl tihna a ni a, a nihna takah chuan infiamna leh intihhlimna hmun a ni. Khaw chhungah leh mi harsate chenna hmun hnaihah din a ni thin. ICDS hnathawh leh tanpuina a pek theihte sem chhuahna hmunpui ber a ni.

Q.5. Anganwadi Centre a hnathawktute tute nge?
Chhanna: Anganwadi Centre-ah chuan a hmun thu ten hna an thawkin midang an lo tanpui thin. A tlangpuiin hnathawktu chu tualchhung mi thlanchhuah a ni thin. A nitin hnathawhna kawngah tanpuitu a nei bawk. Amah tanpuitu pawh chu khawchhung miten an thlang chhuak thin.

Q.6. Kan khuaah hian Anganwadi Centre kan nei ve thei em?
Chhanna: Anganwadi Centre hi in khuaah din ve theih a ni a, din ve in duh chuan in khaw huamtu District ICDS Programme Officer hnenah in duhna te in thlen dawn nia.

Q.7. Anganwadi Centre hawn hunlai engtik te nge?
Chhanna: Anganwadi Centre-te hi kar khatah ni ruk chhung hawn an ni a. Nikhatah darkar li vel an inhawng thin. Hawn hun chhung tak hi chu State hrang hrangah a danglam thei.

Q.8. Anganwadi Centre-ah chuan ka fa hian eng nge a va dawn ve ang?
Chhanna: I fa chu kum thum hnuailam a nih chuan a taksa mamawh chawtha pek tur chungchang inzirtirna an lo pe ang. I fa chu a than chak zawng teh leh endik zel a ni ang a, heng bakah hian a hriselna endik zel a ni ang a, heng bakah hian a hriselna endik kawngah mawh an phurin natna hlauhawm chi 6, Tuberculosis (TB) te, Diptheria, Perthussis (Whooping Cough), Tetanus, Measles leh natna te lak atanga invenna tur Auxiliary Nurse Midurfe (ANM) in a lo pe thin ang.

Q.9. ICDS hnuaia pre-school education hian eng nge a tum?
Chhanna: Pre-school ina a tum chu naupang hrisel taka a thanlen chhoh te, a rilru leh ngaihtuahna hman thiam dante, tawngte, rilru leh taksa lama thanlen tir te a tum a ni. Nitin nuna midangte bula awm thiam dan a zirtirin an bul vela thil awmte nuamti taka zirchiang thei turin a pui bawk.

Q.10. Naupangte tan Anganwadi Centre-ah hian infiamna hmanrua dah a ni em?
Chhanna: Anganwadi Centre-ah hian naupang infiamna leh intihhlimna tur chi hrang hrang naute lem, ball, wooden blocks, wet clay, flash card for story telling, puzzles etc te dah a ni a. Hengbakah hian thil chi hrang hrang, rawngte, numberte, ramsate, thlai leh theite, lirthei chi hrang hrang te an hriata an zirna turin chart te tar a ni bawk.

Q.11. Anganwadi-ah te hian naupangte than dan leh than chak zawngte an teh ve thin em?
Chhanna: Anganwadi Centre-ah hian naupangte chu growth chart an saim sak a, ngun takin an thanlen zawng leh rih zawngte an teh thin in chungte chu growth chart-ah an chhinchhiah thin. naupangte hrisel leh harh tha taka an thanlen theihna turin nu te hnenah zirtirna pawh an pe thin.

Q.12. Naupangte engtinnge Anganwadi Centre-ah kan dah ve ang?
Chhanna: In venga Anganwadi-a hnathawktu hnenah in dah ve duh tih in hrilh ang a, a nih loh chuan Anganwadi-a hnathawktu zawk pawhin dah ve turin a rawn sawm thei bawk che u.

Q.13. Tuin nge ka fa hi Anganwadi Centre-ah kalpui \hin ang?
Chhanna: I fa chu nangmahin Anganwadi Centre-ah i va kalpuiin ban dawnah i lam leh thin tur a ni. harsatna i nei a nih chuan Anganwadi-a hnathawk ten an pui thei bawk ang che.

Q.14. ICDS hnuaiah hian nu naupai lai ten eng puihna nge an dawn theih?
Chhanna: Nu naupai laite chuan puihna chi hrang hrang an dawng thei a, an hrisel leh hrisel loh enfiah te, Tetanus Tonoid (TT) laka invenna te, taksa mamawh chaw chi hrang hrang chungchanga zirtirna te an dawng thei bawk.

Q.15. ICDS hnuaiah hian nursing woman ten eng hlawkna nge an dawn?
Chhanna: Nursing woman te chuan health check up te, taksa mamawh chaw chungchang inzirtirna te leh taksa enkawl dan tur zirtirna te an dawng thei.

Q.16. Hmeichhe tleirawlte tan eng puihna te nge awm ve?
Chhanna: Hmeichhe tleirawlte chuan taksa mamawh chaw lama zirtirna an dawng ang a, iron leh folic acid damdawi te, rulhut hlo te an dawng ang a, in lam hnathawh dan te leh eizawnna tling hnate an zirin taksa enkawl dante an zir thei bawk.

Q.17. Hmeichhia kum 15-45 inkar te tan eng nge a hlawk ve na?
Chhanna: Heng hmeichhiate hi taksa hriselna tur chaw tha chungchang zirtirna pek an ni thin.

Q.18. Naupang damlote tan Anganwadi Centre hian damdawi a pe chhuak thei em?
Chhanna: Anganwadi Centres atang hian damdawi thenkhat khawsik damdawi te, kawthalo damdawi te, rulhut hlo leh a dangte pekchhuah a ni thin.

Q.19. Naupangte leh hmeichhiate enkawla zirtirna pek bakah eng hna dang nge Anganwadi hnathawktu hian a thawh?
Chhanna: Anganwadi worker hnathawh thenkhatte chu:-

1. Khawtlang mipui zat a enfiahin a chhinchhiah.

2. Nausen piang zat leh mitthi zat a chhinchhiah.

3. Health staff te chu naupang leh nu naupai laite enkawl turin a pui \hin a, natna laka invenna te pein health check up te a neihpui thin.

4. Hmeichhe tleirawlte, nu te leh khawtlang hnenah hriselna leh taksa tana chaw tha a hrilhin a zirtir thin.

5. In lamah midangte a tlawh kual thin a, nu hote ko khawmin, khawtlanga thu sawihona leh inkawmhonate a buatsaih thin.
    

Q.20. ICDS hnuaia puihna leh hamthatna chi hrang hrangte hi naupangte leh hmeichhe tan chauha siam em ni?
Chhanna: ICDS tum pakhat chu nupa te hnena naupangte mamawh hriatthiam tir tumte, rai laia nu mamawh hrilh hriat leh nau neih laia mamawhte leh naupang enkawl dan zirtirte a ni.

Q.21. Harsatna lo nei ta ila tunge kan hrilh ang?
Chhanna: ICDS kalphungah hian Supervisor leh Child Development Project Officer (CDPO) te dah an ni a. Harsatna i nei a nih chuan anni hi i be thin dawn nia.

Q.22. ICDS atan hian Centre hian State te hnenah sum engzatnge a pek?
Chhanna: Tun sorkar kumchhung 2008-09 atan hian Central sorkar chuan ICDS atan Rs 5984.95 crore a dah a. Kum 2006-07 a hman atan khan Rs 4454.52 crore a lo dah tawh bawk.

Q.23. An hnathawhah hian ham\hatna dawng engzatnge awm?
Chhanna: Ram chhungah hian Anganwadi 1008400 aia tam din leh kalpui mek a ni a, naupang leh nu hnute pe lai 817 lakh te hnenah taksa mamawh chaw\ha pek mek a ni bawk (31st Jan, 2008 a a lan danin).
 

Back

PIB, Aizawl