Kum 2006 February ni 19 khan Assam-a Barpeta-ah Prime Minister Manmohan Singh chuan Backward Regions Grant Fund Programme (BRGF) hi a hawng a, state 27-a district 250 tuam tura tih a ni. District 147 tuamtu Rashtriya Sam Vikas Yojana chu he Backward Regions Grant Fund programme-ah hian khungluh vek an ni.

Backward Regions Grant Fund Programme(BRGF) hi kum 2006-07 financial year chhung atana pawm a ni a. Bihar tana special plan, Orissa-a KBK district atana special plan leh Rashtriya Sam Vikas Yojana(RSVY) hnuaia district hnufualte chawikanna tura district tinte-a thawh tur a tel a, RSVY programme hi kum 2006-07 atang khan BRGF -ah chhun luh a ni a. Bihar leh Orissa-a KBK district-te tan special plan chu Planning Commission kutah a awm.

A thil tumte :
He programme hi hmasawnna hna thawh kawnga rambing (regional)-te inkhuangrual lo tihrehna atana tih a ni. District bawhzui tura thlan tawhte hmasawnna hna thawh zui zelna turin funds tam tawk ruahman a ni a. Level tina Panchayati Raj institutions leh Municipalities-te chu he programme ruahman leh bawhzui kawnga mawhphurtu an ni a, district chhunga ruahmanna siamin a bul thum atanga engkim bawhzui tura tih a ni.
District enfiah tawh 250-a hmasawnna hna thawh a nih theihna turin ruahmanna siam a ni ang, hetianga ruahman a nihna chhante chu :

1. Tuna hmasawnna hna thawhna tura sum leh pai luang lutin a thlen phak loh tualchhung hmasawnna ruhrel leh hmasawnna dang atana mamawh inkar zau lutuk tihzim nan
2. Panchayat leh Municipality level rorelnate tichak a, an theihna zawng zawng sawr chhuah a, ruahmanna thila an inrawlh a, thutlukna an siam a, a bawhzui leh a en zui kawngah tualchhung mite mamawh ang an thawh theih nan.
3. Tualchhung roreltuten ruahmanna, bawhzuina leh enzuina kawnga thiamna an neih theih nan.
   Panchayat-ten an mawhphurhna tha taka an tih a, an hlen theihna tur leh mipuite chakna hman thiam tawk loh avanga hmasawn tur anga hma an sawn theih lohna tihrehna tura hmalakna pawh a tel.

Ruahmanna:
District hnufuala hmasawnna ruhrel din mumal loh leh a enkawltu pawlte chak tawk lohna chhan chu a thawh theih tur ang zat thawh loh leh a hnathawh tha hmuh tur a van thin vang a ni. Planning Commission chuan 4.8,.2004 khan he programme-in rah tha a chhuah theihna turin hun bitiam dik tak chhunga sum leh pai leh hmanraw hrang hrang hman tangkaina tura ruahmanna siam turin inter-ministry task group a din a. BRGF thil tum ber chu ruahman lawk ang chiaha tha taka hna thawh a ni. Central atanga sum lama tanpui scheme-te hian tum bik leh target mumal tak an nei a. He BRGF hi thawktu hrang hrangte tanrual nan leh hmun tina mamawhna phuhru tura hmalakna puitu atana tih a ni. District leh level hnuai deuhva planning mumal tak siama bawhzui hi hna tha thawhna tura thil pawimawh ber a ni a. BRGF chuan Panchayati Raj Institution tichaka he programme hi tihpuitlin a tum a ni.

Ruahmanna fel tak hnuaiah district tina hnufualte dinhmun zir chiang a, hmasawnna atana thawhhona kawng sial a nih theihna turin theihtawp chhuah a ni ang a. Kum 2006-07 chhung hian district hnufual tihhmasawnna tura ruahmanna fel fai tak ruahmansa tawh bawhzui a, Eleventh Five Year Plan chhunga thawh zawh tum a ni.

Programme ruahman leh bawhzui:
He programme ruahman, bawhzui leh enkawl hi India Danpui bung IX leh IX-A ten a tarlan anga din Panchayats, Municipalities leh District Planning Committee-te kutah a awm.
Danpui part XI-a tarlan thingtlang, intermediate leh district level-a Panchayat-te chuan he programme atana ruahmanna siamin an bawhzui ang a, Part IX A-a Municipalities-te mawhphurhna tarlangin Article 243 G-in a beisei rilru dik tak pu chunga an thawh a, khawpui hmunte pawh Danpui Article 243 W leh Article 243 ZD duh dan hre renga an bawhzuina tura tih a ni ang.

He programme hian thil tum pahnih a nei a. District 250 tuam bakah Bihar leh Orissa-a KBK district tana ruahmanna bik tak siamte a ni. Kum 2006-07 budget-ah hian heng ruahmanna bawhzui nan hian Rs. vbc.5,000 dah a ni a. Heng zinga Rs.vbc. 1250 chu Planning Commission-in a pawm Ministry of Finance-in Special Plans atana a tih bik Demand for Grants hnuaiah dah a ni.

Rs.vbc.3,750 la awm chu district 250 atan District Component an tih Ministry of Panchayati Raj sem darh tura dah a ni.

Hman phal lohnate:
He programme hnuaia sum dahte hi sakhaw bil zirna in huam chhunga sakhaw lamchhinchhiahna din nan te, mikhual lawmna thil tar siamna leh hetiang lam hawi thil atan emawa hman theih a ni lo.

SC/ST tana a bik taka ruahmanna:
He scheme bawhzuina atana fund pek zingah hian Scheduled Tribes leh Scheduled Caste-a thalai lehkhathiam rual training pekna te, para-military-a pre-recruitment training pek nan te leh security force atana lak hmaa inbuatsaihna atan te, tractor leh lo neihna hmanrua, mahni intodelh tum pawlte tanpuina tur te, dawr sak leh hmun leina atan leh secondary school, college, hostel leh Industrial training Institutes dinna turte a tel.

Danpui Part IX & IX-A hnuaia tel lo State leh District-te tan bika ruahmanna :
Panchayat nei ve lo J&K, Assam, Manipur, Meghalaya, Mizoram, Nagaland leh Tripura-a district-te tan ruahmanna bik siam a ni. Heng district-a programme bawhzui dan tur ruahman leh bawhzui tur hian village level pawl leh institution-te chu thuneihna pek an ni.

Kum 2006-07 chhunga Budget dah zat :
Kum 2006-07 chhung atana BRGF budget hi Rs. vaibelchhe 3,750 a ni a, heng budget hi hmun hnihah then a ni a:

Thawk thei tura in dinna (capacity building) atan Rs. vbc.250 dah a ni a, district tin tan Rs.vaibelchhe 1 dah a ni.

• A tul anga grant (untied grant) pek turin Rs. vbc.3,500 dah a ni bawk.
• Capacity building-ah hian Dan ang taka hna an thawh puitlin theihna tura Panchayati Raj Institutions thlan chhuahte training pek te, a mamawh anga institution indin nghehna atana hmanna turte a tel. Hmasawnna hna thawh nana hman tur grant dah hi khuahkhirh bur a ni lova, Panchayat leh Urban local bodies-te tihhmasawn leh tihchangtlun a tulna ang apianga hman tur a ni. Revised Estimates-ah chuan a chunga sum dah zat hi Rs.vbc. 1,925-a tihtlem a ni a, pawisa hi State tinte hnenah pek chhuah a ni tawh.
  Kum 2007-08 chhung atana budget Rs.vbc. 4,670 chu hmun hnihah then a ni a: Capacity building grant atan Rs.vbc 250 dah a niin hmasawnna hna thawhna atan Rs.vbc. 4,420 dah a ni thung. Revised estimate-ah sum dah zat hi Rs. vbc. 3,600-a tihtlem a ni a, kum 2008-09 atana pawisa dah chu Rs.vbc.4,670 a ni.

BRGF Programme ruangamte:

• BRGF-ah hian pawisa pekna tukverh pahnih - Capacity building leh untied grant hawn a ni.
• Untied grant hi hetiang hian district hrang hrangah sem a ni : (a) district tinte hian kum khat chhungin a tlem berah Rs. vbc.10 theuh an dawng ang. (b) he scheme hnuaia sum dah zat hi district tina mihring cheng zat leh an area zau zawng azir leh district hnufual bika cheng mihring leh an area zau zawng azira pek tur a ni.
• Rashtriya Sam Vikas Yojana (RSVY) (a enfiahna atana senso tur tiamin) hnuaia hmasawnna hna thawhna tur hmun pawm tawha hman tur fund chu RSVY district 147-ah pek chhuah a ni ang.
• Kum 2006-07 chhung hian kaihhruaina ang zulin RSVY-BRGF district ni lote chuan District Plan ruahmanna an tan ang.
• District hnufuala Panchayat emaw Municipality emaw hi BRGF hnuaia planning unit an ni ang. Panchayat emaw Municipality-in emaw ruahmanna an siam chu District Planning Committee, Danpui kaihhruaina hnuaia dinin a ruahman chu District Plan-ah chhunluh a ni ang.
• District Plan ruahman lai hian SC/ST tihhmasawnna lam khawih thil chu District Plan-ah hian a tel em tih uluk taka ngaihtuah tur a ni ang.
• State sorkar chuan state level-a nodal department tur Department of Panchayati Raj emaw, department dang emaw, he programme enkawl, thlir zui leh enfiahna hna thawk tur a ruat ang.
• State Chief Secretary kaihhruai High Powered Committee, State sorkar hnuaia department hrang hrang atanga member ruatte telna din a ni ang a, Central Ministry chuan BRGF hnuaia district hrang hrang huam tura District Plan an siam chu ngaihtuahin a lo pawm thin ang.

Fund pek dan leh Fund chhui zuina :
Fund zawng zawngte chu State sorkar Consolidated Funds-ah dah luh vek a ni ang ang. Twelfth Finance Commission Grants transfer dan kalphung zuiin State sorkarin Panchayats leh Municipalities-te hnena fund a transfer-te chu Consolidated Fund atana funds an pekchhuah atanga ni 15 chhungin an bank account-ah dahluh a ni ang. Bank tena Panchayat-te hnena funds an pek chhuah chak theihna tura zir chiangtu atana Ministry of Panchayati Raj hnuaia din Task Force-te rawtna angin State-te chu bank transfer dan kalphung zui tura ngen an ni. State sorkarte pawh Bank Account dinhmun zawng zawng panchayat-te hnena chiang taka hriattir tura ngen an ni.

Sum lam dinhmun:
Kum 2006-07 hi BRGF Programme thawh tan kum a ni a. RSVY hnuaia district 147-ah grant pek an ni. Heng district-te hi BRGF programme hnuaia dah an nih hmain Rs. vaibelchhe 45 dawng theuh tur an ni a. Hemi hnuah hi chuan BRGF funding dan kalphung zuia tih a ni tawh ang. Programme bawhzuina atana pawisa an pek chhuahte chu fund release option tih lanna site-ah en theih a ni ang. Hetah hian financial year kalta emaw kal mek emaw chhunga RSVY district hnena sum pekte pawh a lang vek ang.
Kum 2006-07 financial year chhunga BRGF prorgamme atana pawisa pek chhuah chu Rs.vbc.1,925 a ni a. Ni 31.3.2008 khan kum 2007-08 chhung atana pek tur Rs.vbc.3,597.50 chu pek a ni tawh bawk.
Kum 2005-06 atanga state tina component hrang hrang atana fund pek chhuah dan dinhmun chu a hnuaia mi ang hi a ni:


RSVY Districts & BRGF Districts-a fund ruahman dan – 2008-2009
 

Sl.No.	State/District		Fund Ruahmanna (Cheng vaibelchhe bin)
			RSVY	BRFG
MIZORAM
01.		LAWNGTLAI	45.00	11.51
02.		SAIHA	N.A*	11.47
		STATE TOTAL	45,00	22.98

RSVY Districts & BRGF Districts-a fund ruahman dan – 2007-2008

RSVY Districts & BRGF Districts-a fund ruahman dan – 2006-2007

Back

PIB, Aizawl