|
PIB Azl 4th June 4,
2007 13:00 IST Brahmaputra lui a a pahnihna tura
inkalpawhna lei dawh hian chhim leh hmar inkalpawhna
tha tak siamin, Northeast tan India ram hmun dang
zawngte kalpawhna pawimawh tak a ni bawk dawn a ni.
Hetih rual hian Assam ramah vek Silchar atanga
Srirampur kawng highway cheng vaibelchhe 6000 a siam
a awm bawk a ni. Brahmaputra lui hmingthang leh
pawimawh tak mai hi Assam mipui te tan chuan
Malsawmna leh an nunna ber ti ila a sual lovang. He
lui chunga leidawh thar hian Assam mite mai bakah a
chhehvel state Meghalaya, Tripura, Mizoram, Manipur,
Nagaland leh Arunachal Pradesh te tan pawh malsawmna
thlenin a tangkai hle dawn ani. Hmasawnna leh hma
thar lakna tur a thlen thei dawn a ni. Upa sorkar
chuan Northeast state ah hian chak taka hmalak a tum
na chu hlen chhoh zel turin hna a thawk mek a ni.He
project hi kum 2008 a zawh fel theih tura ruahman a
ni a. zawhfel anih hunah chuan Northeast state zawng
zawngte tan India ram hmun dang a kalna a awlsam in
a hnai tawh zawk dawn a ni. Hmasawnna chak tak
awm turin inkalpawhna tha a pawimawh.
Sorkar laipui chuan northeast state zawng zawngah
inkalpawhna kawng tha zawka siam anih theihna turin
thu a tiam a. Special Accelerated Road Development
Programme North East bik tan liau liau duangin state
tina khawpuiber, district khawpui leh hmun kilkhawr
tak tak te kalpawh zung zung theihna tur a siam dawn
a ni. He hna thawhkhatna Phase I ah hian km 1310
siam nan, cheng vaibelchhia 4618 mamawh ani dawn a.
Kawng tha hian nasa takin hmasawnna kawngah hna
pawinawh tak a nei a, kuthnathawktute tan pawh an
thlai thar te zau zawka hralh chhuak thei turin
kawng tha leh awlsam an mamawh hmasa thin a ni.
Industries changtlung zawk a din leh tam zawk
siam.
Northeast ah hian Industries a tlemin, hmasawnna tur
ala tam hle a. Mitam zawkte eizawnna ber chu loneih
a ni a, chumi atana chuan thlai tan tui minor
irrigation te a la changtlung lovin harsatna ala tam
hle ani. Hnathawk thei tur leh hnthawh tur duh mi
tam tak an pung chho mek zel a, heng mite thawh tur
hi tam tak a siam theih a ni. Upa sorkar chua Bharat
nirman programme hmangin, thingtlang mite tan inkal
pawhna kawng tha rural roads, in biakpawhna
telephones, tui in tur thianghlim safe drinking
water leh Eng electricity hmun kilkhawr leh
thingtlang mirethei zawkte hnen thleng phak turin
hma ala chho mek zel a, a hlawhtlinna pawh hmuh
theihin a awm mek a
ni.
Nasa zawka hmala turin
Sorkar laipui chuan nasa zawka hmala turin a in
buatsaih mek a, cheng vaibelchhe 2,20,000 sengin
inkalpawhna kawng national highway kum 2012 ral hma
ngei hian siam a tum a ni. Assam ah ngei pawh he
project hi kalpui chhoh tur niin, tuna Brahmaputra
lui a leidawh tur pawh hian inkalpawhna tha zawk
siamin, hmasawnna leh changkanna kawng duhawm tak a
thlen a beiseiawm tlat ani. * Brahmaputra Lui a a
vawihnihna atana leidawh tur Prime Minister, Dr.
Manmohan Singh an a hawnna a thusawi atanga
lakchhawn ani*
PIB, Aizawl |
