|
PIB Aizawl 4th June 2007. 12:00 IST
Ram chhunga Thingtlang leh hmun kilkawr ah te
hmasawnna leh changkanna a lo awm theihna turin nasa
taka hmalak a ni a. Chung zingah chuan tunlai hian
mi tam zawkten hna thawh tur an hmuhna ni bawk si,
khua leh ram tana thil tha ni bawk si, scheme tha
tak tak sorkar laipui chuan a duang chhuak a, chung
zingah chuan National Rural Employment Programme (NREP),
Rural Landless Employment Guarantee Programme (RLEGP)
leh Jawahar Rozgar Yojana (JRY) te hi a tel a ni.
NREGA Programme
National Rural Employment Guarantee Act hi ramchhung
pumah hman tan a ni a. Hei hian a tum ber chu mitam
zawk te tan a hna siam, changtlung zawka thingtlang
khua te siam thar leh ei leh in tha zawk leh
hnianghnar zawk a a awm theihna tura hmalak a ni.He
scheme atang hian mitam takin hnathawh tur an hmuh
piah lamah, changtlung zawkin kawng te siam a ni
chho a, India ram mirethei te tan chuan a hlu in a
chenfakawm tak zet a ni. Parliament chuan National
Rural Employment Bill, 2005 chu pawmin ni 100 chhung
chhungkaw pakhatin thawk thei turin ruahmanna a siam
a, he hna hi tha tak leh dik taka thawh anih theihna
turin zirtirna te pe in, ram chhung pum puiah a
kalpui chho mek zel a ni. Prime Minister Manmohan
Singh chuan “ram inrelbawlna ah hmun pawimawh tak a
luah a ni” tiin he NREGA hi a lo sawi chhuak hial a.
Hei hian intluk tlanna a thlenin, tun atanga kum 4
kum 5 ah chuan chak zawkin hmun hrang hrangah hman
chhoh niin, a hlawkna leh thatna pawh a lang chho
zel dawn a ni a ti bawk. Dr. Singh chuan “
mirethei leh chanchhe zawkte tan phei chuan a tluk a
thil hlu a vang hle awm e, thlakhat ah cheng 500/-
hlawh chhuah ngei ngei theih anih vangin, hei hian
Scheduled Casts, Scheduled Tribes, leh inhlawhfa
chawp a chhungkua enkawltute tan a tha em em ani a
ti bawk. NREGA hmanga hlawhtlinna hmu te
chanchin.
Haryana a Khatroda khua Mahendragarh block a cheng
Vinod Kumar chu mitdel a ni a. Midel tawng te zirin
a hun a hmang chho thin a mahse hna a thawh theih
mai ang tur chi a vangin hun rei tak chu a chhungte
tan pawh a buaithlakin harsatna thlentu ni ten a in
hre thin. Mahse NREGA an khua ah hman tan anih atang
khan an chhungkua tan a mi tangkai tak a ni chho ta
zawk a ni. “Tunah chuan piangsual leh rualbanlo ka
nihna engmah a awm tawh biklo, mi pangngai ang tho
in hna ka thawkin an hlawh zat ang tho ka la thei a,
ka chhungte tan pawn phurrit nilovin, malsawmna ka
thlen thei ta zawk a ni” tiin hlim takin Vinod-a
hian a sawi thei ta a ni.Vinod-a hian NREGA hnuaiah
an khua tuikhur tur te laiin a inhlawh thin a, a nu
nen inhlawhin a nitin nun a hlim chho em em a ni.
Leivung paih leh lei laih te chu mipangngai angin a
thawk thei a, engmah buaina a nei lo a ni.
Vinod-a hi unau mipa pathum zinga upa ber dawttu
niin, FM Radio ngaihthlak hi nuam a ti hle a, a
unaute chuan nupui neiin in hrang an chang tawh a, a
nu leh pa te nen an la khawsa ho a ni. “A hma chuan
inchhungkhawsak harsat vang te leh amah Vinod-a hian
a mitdel avanga hna thawh tur a hmuh lo vang te hian
kan inchhungah buaina leh hrehawm tihna kan nei thin
a, mahse NREGA hnuaia kan chhungkua in hna kan thawh
theih tak chinah erawh hi chuan kan hlimin, amah
Vinod-a ngei pawh a hlim a ni” tiin Vinod-a Pa chuan
hlim takin a sawi. Khatroda khua Block Development
Programme Officer, Deepak Yadav, chuan “Vinod-a
hnathawh hi midang te ang thovin a tha a sawiselna
ka neilo”, tiin, Vinod-a te chhungkua chhungah
lawmthu a sawi.
*Information Assistant, PIB, Jalandhar
**Related Pictures can be downloaded from
www.pib.nic.in
Haryana a Khatroda khua Mahendragarh District a
Vinod Kumar, mitdelin National Rural Employment
Guarantee Act hnuaia inhlawha lei a lai lai.
PIB, Aizawl |
